媒體人爆古天樂日常小故事：咁好嘅會長邊度搵？

都說古天樂撐起半個香港電影業，身為電影公司老闆的他，雖然外表冷酷，但為他打過工的都對他讚口不絕。曾效力古天樂公司的媒體界KOL「Terry的媒體懶人堂」，日前出post分享兩件古天樂的溫馨小故事，直言：「古生而家嘅名望，絕對係日常累積而成。」

Terry在Facebook專頁「Terry的媒體懶人堂」貼出與古天樂的合照並分享兩個小故事：

【事件一】

我同事同家姐傾電話，古生經過，

問有咩咁好傾？同事就遞個電話俾古生。

同事家姐：你邊位？

古生：你又邊位？

同事家姐：…

古生：你做緊咩？

同事家姐：下，返緊工…

古生：我問你就答嘅真係呢。

最後古生入𨋢，同事攞返個電話，

佢家姐勁無奈，問個男人係邊個？

同事：佢係古天樂。

同事家姐：頂！點解你唔早講！？吖！！！！

【事件二】

公司開會，古生行過，見到大堂有個男人坐咗喺梳化。

好耐之後，古生再行過，仲見到個男人坐喺度。

然後古生問我「佢喺度好耐喇喎，罰留堂咁，你問下佢咩事啦。」

然後我行去問個男人，原來佢係等緊見工。

我：嗰位先生話佢等緊interview。

古生：咁你問吓佢係見邊個部門？

問完之後，我再講返古生聽。

然後古生行咗去個部門主管門口，敲門溫馨提示，

話有位先生嚟見工，但預得太早嚟到，所以等緊。

結果個男人望住古生呆咗。

最後Terry表示：「就係呢啲真人真事，出現喺各大小訪問同媒體。我哋親眼見住，堂堂古天樂為好多大家講唔出名嘅藝人，親自出面幫手鋪路，爭取演出同參與製作嘅機會。咁好嘅會長，邊度搵？香港人睇完古生尋秦，又睇古生尋電影夢。祝古生成功。」