增肥42磅極速收身 鄧月平晒5吋事業線晒新戀情

F級身材出名火辣的鄧月平（Larine），去年拍攝陳果電影《墮胎師》演壞腦肥妹仔，兩個月內成功增肥42磅，搞到荷爾蒙失調阿媽擔心到為她爆喊，不過，22歲得天獨厚的她，原來火速收身變回索女，早前閉關抗疫，亦頻頻出關呼吸大自然空氣，日前更到郊外野餐，身穿低胸長裙的她，連放多張照片大晒5吋深長事業線，照片充滿美感，原來疑似係新男友操刀！

內文：東方新地

麻辣火鍋做早餐

你冇睇錯，以上的都是鄧月平，只是脹爆版！

14歲已經街頭表演的鄧月平，擁有F級導彈身材，出道又被指貌似藝人黃翠如，而得巨胸翠如美譽，深得大班宅男追捧的她，近年就經常在ViuTV節目內大騷火辣身材，澎湃身材相當吸睛，不過，去年鄧月平就接受挑戰，唔做女神為拍戲變肥妹仔亦在所不計，參予陳果《墮胎師》演出的她，要為電影增肥，為達效果每日食足七餐狂谷，更麻辣火鍋做早餐，兩個月成功由101磅增肥至143磅，更因為急增磅至荷爾蒙失調，試過停經四個月，為演出犧牲極大！

野餐晒男友視角

不過，勝在22歲青春無敵，Larine好快就成功收身變回索女，即使早前因肺炎疫情閉關，都不時去行山放風大晒美好身材。日前她又放出兩張去郊外野餐照片，身穿花花裙的她好青春，更乘機大晒5吋深長事業線，女神晒深坑一啲都唔奇，不過她晒線之餘，還tag了一位男友人，疑似炫耀新戀情。

而因肺炎疫情關係被迫停工的Larine本來要到澳洲及沖繩拍攝節目亦被迫延期，近日她就轉搞YouTube Channel及籌備ViuTV新劇，繼續搞作多多！