【誰是被害者‧劇評】拿它跟《法證先鋒4》比　是對台劇最大侮辱

《誰是被害者》整套劇最值得讚是製作人個「心」，跟上年套《我們與惡的距離》一樣，睇得出台劇製作人寫同類型劇，個心真的「好靚」，並非求其跟你講講動機便算，他們嘗試跟觀眾講可以點做，由內到外都想做多一點，出發點好好。而又老實，說回頭幾集感覺一般，直至去到最尾兩集，要講的訊息逐漸帶出來，雖然聽落有點老土，叫人活着比死去更需要勇氣，但鋪到最尾一集去拆解所有謎團，又發現包得有層次、有深度。

演員方面，恭喜張孝全，比起之前兩套外國投資的迷你劇，終於拍到套看罷不會令當事人，跟觀眾都感到尷尬的作品。配角方面，黃河演繹LGBT都好入戲，更令筆者立即上網看看他本身是否同志。許瑋甯從前覺得只是花瓶，但近年睇得出他識做戲。最想讚是演女兒的李沐，林依晨加柯佳嬿混合體，戲亦不差，兩場兩父女對談戲，睇得人感動之餘，甚至有點壓返張孝全，有前途有前途。

最感動是片尾曲《誰》，還記得李友廷在《聲林之王》講過，這首歌是他最不濟時作，講自己一路在等伯樂出現，等觀眾欣賞自己的創作，今次放在這套劇上非常貼切。一群想死的人，全部都想控訴，只係找不到「誰」去聽，去理解，去推翻。而Karencici 今次翻唱，既保留李友廷原唱那份柔情，更滲出絲絲無奈和絕望，完全昇華了套劇。

「兩傘運動」失敗，好多人都諗埋一邊︰「係咪真係要死人？」筆者覺得「死」從來都不是一個方法，簡單點說如劇中，「死亡」要依賴第三者去幫忙，才可以解決到你想解決的問題。所以只要一日條命還在，一日都不應該去死，而又好老實，董伯伯當年的金句都有他的真理：「留低比離開更需要勇氣！」

或許是筆者想多了，結局一集一開始，林心如用廣東話講了一大堆︰「瞓喺呢度嘅，都係堆被遺忘嘅人」，然後講病人周洋如何爭取人權，緊接出劇名：「傘」。不期然令觀眾想多了，想是製作人給予香港人的支持？我相信，我都是想多了。坊間有媒體拿它來跟《法證先鋒4》比，個人覺得這是對Netflix跟台劇的最大侮辱。千萬不要見同一題材就將兩者來個比對，縱使大家都是華人演，但有時候的確要分得那麼細。

陳藍Facebook專頁
https://www.facebook.com/afterwatching