反修例嘅激烈衝突持續逾3個月，逾千名涉嫌違法嘅人士被捕。律政司司長鄭若驊今日(22日)發表網誌，指不論係違法亂紀嘅行為，或是任意攻擊律政司檢控決定，甚至係無理批評司法機構，都只會損害香港法治。有學者直指市民有權監察政府運作，鄭竟唔容許市民批評律政司或就法庭判決表達意見，簡直係荒天下之大謬，又狠斥鄭其身不正，特別對有「漢奸黎」之稱嘅壹傳媒黎智英刑恐東方報業集團(下稱東方)男記者案，一再拖延，應告唔告，鄭又賴死唔肯問責下台，根本係佢帶頭破壞法治。
鄭若驊喺網誌指出，香港自6月起出現眾多遊行示威，有時「更不幸地演變成暴力破壞行為」，當中警方拘捕人數眾多，因此有人對律政司提出檢控所需嘅時間有唔同睇法。佢強調律政司嘅檢控工作一直係「不偏不倚、一視同仁」，惟每宗案件嘅審訊時間會因應各種因素有異。
佢又話，注意到最近有人肆意批評司法機構，亦漠視法庭禁制令，會對法治造成嚴重傷害。佢話法院秉行公義，按法律及可接納的證據作出裁決，判詞亦會陳述裁決理據，或許有人會唔滿意裁決結果，但並唔代表司法獨立出現缺陷。佢又強調自己作為律政司司長，有責任確保司法獨立受到尊重，唔會被任意攻擊或批評，社會唔應該任意或唔公平地，作出危害司法機關公正及無私地行事嘅批評。
佢強調不論係違法亂紀嘅行為，或係任意攻擊律政司嘅檢控決定，甚至係無理批評司法機構，都只會損害香港嘅法治，盼望香港人能共同承擔尊重法治嘅責任。
理工大學專業及持續教育學院講師陳偉強批評鄭若驊只係識得做鍵盤戰士，唔敢面對公眾交代檢控政策，已經係一大敗北，尤其係唔容許市民批評律政司或法庭所作出嘅判決，簡直係荒天下之大謬，律政司應該係不偏不倚，但近期唔少律政司內部嘅人員竟然喺互聯網上發表對反修例嘅意見，咁證明鄭若驊係縱容下屬，亦難保律政司對案件有偏頗。
陳直指鄭若驊其身不正，涉及多宗利益衝突，多宗案件應告唔告，例如漢奸黎刑恐東方記者案，根本是一宗極其簡單嘅案件，卻拖咗兩年幾仍未檢控，根本係鄭帶頭破壞法治，又賴死唔走，唔肯問責下台，令法治淪亡。
兩年前漢奸黎喺維園出席六四祈禱會後，竟向在場採訪嘅東方記者爆粗恐嚇，話「×你老母×」、「我實會搵人搞×你」以及「我影×咗你嘅相」，有圖有片，證據確鑿，但拖咗兩年幾，漢奸黎仍未落鑊。《東方》同受害記者先後出15封信查問案件進度，過去得到嘅回覆全部係廢話，講咗等如冇講，敷衍了事。
東網網站 : https://on.cc/
東網Facebook專頁 : https://www.facebook.com/onccnews/
1098tin 你说的问题只是被西方两党轮流执政制度洗脑了。
1首先你是要民主的幸福生活还是要穷光蛋的印度民主选举制度？2如果中国共产党一党执政执政官2年后由选民一人一票投票选出是不是人民受权的？？！！！3普选也有不同制度美国的选举人制度你知道吗？4两党轮流执政是不是专业骗子的不负责任制度？5一党执政就不能普选吗？6人民投票受权合法执政不管什么方式对吗？7现代执政的社会普世价值是人民受权而不是两党轮流执政制度对吗？
西方的两党轮流执政制度与东方的一党执政制度都是流程的问题和国家稳定人民幸福生活问题。关键是要人民受权！！！
关键是人民受权！！！！
在中国共产党执政下中国经济是全世界第二，这是中国共产党的功劳！中国共产党执政70年资本主义制度300年，给中国人民一点时间吧！
2019年09月22日10:03
顯示全部