廣告（請繼續閱讀本文）
藝人杜宇航今日以「與善同行愛心大使」身份率領義工團隊到深水埗派發口罩、消毒液及米等抗疫福袋，他表示之前曾跟不同區議員合作派口罩，今次會上樓直接派發物資給長者，除了出力外，杜宇航也有出錢搜購防疫物用品：「口罩係最難買，尤其要大量更加唔容易。我幫手入福袋嘅時候發現部分口罩嘅質素參差不齊，要再篩選，所以前期工作比較多，要花較多時間。」
由於疫情關係，杜宇航坦言有內地電影要延期開拍，現已接洽另一部新戲，暫定五月拍攝：「會去柬埔寨同廣西邊境拍攝，依家內地疫情有所緩和，確診數字減少咗，所以都唔太擔心，反而其他地方係未知之數，呢個月都可能要去睇景，不過視乎疫情同檢疫措施，因為擔心返港後要隔離14日。我喺戲中飾演軍人，所以要努力操練。」他又指計劃跟朋友合資健康產品生意，會趁留港期間籌備。
另外，提到感情方面，杜宇航稱未有拍拖，現專注工作，對於舊愛胡曦文將結婚，他大方送上祝福：「我哋係朋友，有時會聯絡，好戥佢開心。」
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/