警匪傳奇，風光一時
香港電影，曾經風光一時，打遍亞洲無敵手。香港電影其中一個特別之處，就係創造咗「警匪片」呢種電影類型，發揚光大，每一代嘅香港人，都睇過香港明星飾演警察。睇得電影多，好似《無間道》咁，邊個奸，邊個忠，警察角色可以黑社會扮，黑社會又可以係警察臥底，演技出神入化，真係難分真與假嘅。近排香港警方一哥就講：「唔識做警察，睇成龍、方中信，學吓學吓就識。」好多香港人都好奇佢哋學咗咩。今日就等DailyView用網路大數據話你知，十大香港網民最關注做過香港警察嘅男演員喇！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
NO.10 任達華（626筆）
——機動部隊
任達華，唔係只得卡士蘭嘅。任達華拍過好多唔同類型嘅影視作品，入面飾演過好多唔同角色，但相同職業警察嘅身份。好似《衝鋒戰警》做刑事警察，《大追捕》做警察查案，《新紮師兄》做主角老豆，亦都係出色警察。唔好講經典《機動部隊》系列嘅PTU李永森，深入民心，大受歡迎。
網民：「飲得多卡士蘭係唔同嘅！」
NO.9 姜皓文（743筆）
——拆彈專家
姜皓文？諗起佢，你點會唔諗到佢演出警察嘅精彩表演！近年香港TVB劇集《鐵探》，佢就做咗臥底警員，仲要被迫變節，最後槍殺令好多人都好傷心。其實，佢最有代表性嘅警察演出，要數《拆彈專家》，佢做重案組總督察江耀偉，令佢攞埋第37屆香港電影金像獎最佳男配角，成功突破自己。
網民：「抵佢紅嘅，演戲咁出色。」
NO.8 梁家輝（799筆）
——寒戰
一句「香港警察，絕對值得支持」，令梁家輝有正反唔同嘅評價。不過，佢之所以咁支持香港警察，可能都同佢成日飾演警察有關。最出名嘅，緊係要數《寒戰》喇！佢喺入面做警務處（行動）副處長李文彬，做總指揮但要提早退休，之後《寒戰II》又出嚟做奸角，不過陰謀俾人識破，保持退休。
網民：「唔知佢係咪當咗自己真係警察呢？」
NO.7 古天樂（1177筆）
——掃毒
香港人，對古天樂一向都好欣賞，唔單止因為佢演技好，更加正面肯定佢對香港電影行業嘅付出。其實古天樂都成日飾演警察，近年有《追龍II：賊王》做警方臥底，《竊聽風雲》做竊聽小組嘅組員，不過都比唔上佢喺《掃毒》嘅演出，入面做毒品調查科臥底，差少少攞埋金像獎最佳男主角，認真可惜。
網民：「支持古仔，只要有古仔都會睇！」
NO.6 黃秋生（1193筆）
——野獸刑警
黃秋生近年極受香港年輕人歡迎，一部《淪落人》令佢第三次獲得香港電影金像獎最佳男主角獎。黃秋生演技出色，喺《無間道》做過黃警司，都一早廣為人知。1998年嘅《野獸刑警》先係佢做警方最入形入格嘅演出，黑白兩道通吃。呢部亦都係黃秋生第二次攞金像獎最佳男主角嘅作品，值得一睇。
網民：「《野獸刑警》道出香港警察實況。」
NO.5 周星馳（1219筆）
——逃學威龍
周星馳，香港無厘頭式喜劇代表，佢嘅電影紅遍兩岸三地，到而家年年重播都仲大把人笑得出。佢咁多部電影，《逃學威龍》就一定係經典。喺《逃學威龍》入面，周星馳飾演周星星，係一位特別任務連高級督察，做臥底假扮學生，校園生活場面爆笑，大破犯罪集團，仲成功食埋Miss，開心結局。
網民：「而家警察都光明正大入埋學校喇！」
NO.4 劉德華（1298筆）
——無間道
講起警察，又點可以無劉德華？劉德華曾經係香港係最正氣嘅男演員，民間特首咁陽光，緊係成日都有份飾演警察角色喇。無論係《五億探長雷洛傳》入面由警察成為一代梟雄，《風暴》做港島總區重案組高級督察，《拆彈專家》扮拆彈專家，都比唔上喺《無間道》亦邪亦正嘅演出咁深入民心。
網民：「唔知今時今日仲有幾多個劉Sir？」
NO.3 曾志偉（1449筆）
——小小小警察
「朋友，不曾孤單過。一聲朋友，你會懂。」曾志偉唱《朋友》成為網民熱話，但係有一樣嘢仲爆，就係曾志偉其實做過唔少警察角色，對警察呢樣嘢可謂好多研究。曾志偉曾經自導自演《小小小警察》，故事講佢想做警察但太矮，結果警方用傷殘理由收咗佢，發生咗一連串搞笑事。做警察，都唔係咁難嘅。
網民：「唔知一哥有冇睇埋呢套電影？」
NO.2 方中信（1582筆）
——鎗王
方中信，香港一代中佬型男代表，樣靚身材正，直頭係師奶殺手。佢都有飾演過唔少電影嘅警察，《神偷諜影》、《龍在江湖》、《旺角黑夜》、《Good Take》等，不過有網民分析，入面嘅警察都幾行為不檢。方中信代表作《鎗王》，做一位叫苗志舜嘅警察，槍法出色。一哥嘅槍法，唔知有冇咁好呢？
網民：「方中信犯咗幾多條警察通例？」
NO.1 成龍（8649筆）
——警察故事
「憑自我，硬漢子，拼出一生癡！流汗血，盡赤心，追尋大意義！」成龍，可以話係香港飾演警察最出名嘅男演員，一連六集《警察故事》系列電影，更成為香港「警匪片」嘅一代經典。成龍喺電影入面係一位叫陳家駒超級警察，打交勁過葉問，成日私了。唔知香港一哥係咪都係咁樣學做超級警察呢？
網民：「私了始祖，是為始祖鳥。」
網路溫度計香港版嘅Telegram開咗喇！快D嚟follow我哋啦→https://t.me/dailyviewhk
【香港網路溫度計調查結果之圖文，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2019年02月27日至2020年02月26日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『香港十大飾演警察的男明星』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。