簡淑兒（ Jessica）近日在新劇《踩過 界II》飾演王浩信的靚女徒弟Jasmine，終於不再局限學生妹或者做人阿女的角色，而近年積極操肌、練出一身 Fit爆肌肉的 Jessica，直言自己其實最恨演男仔頭或者烈女的角色！
撰文、圖片：東方新地
簡淑兒操肌有成做厭「女神」恨做烈女
Jessica 近年迷上做 Gym，她直言做 Gym 給她很大滿足感：「 唔止係為咗操嗰身肌肉，而係想令自己健康啲。」努力練出完美線條的 Jessica，在台慶激罕性感現身，令人眼前一亮。 Jessica 話已做厭「 女神 」和鄰家女孩的角色，她說：「 其實我唔係大家諗咁好嬌滴滴，我私底下都好男仔頭，所以我想試吓啲反差大嘅角色，好似啲男仔頭、型啲嘅角色，或者剛強啲嘅烈女都 OK。」
簡淑兒表明事業搏殺期感情先放一邊
簡淑兒的父母早已把珠寶公司做得有聲有色，成立廿八年除了香港的零售業務及出口生意外，在國內亦自設工廠與辦事處，09年更在香港創建了珠寶品牌「 Dazzle」，近年全力由簡淑兒擔任代言人，成為珠寶店的御用生招牌。早前簡淑兒拍完《一笑渡凡間 》休息了一段時間，近月再連踩兩劇開拍《智能愛（AI）人》及《我家無難事》，不用開工的日子，她都會抽時間返珠寶店返工。
對於感情生活，簡淑兒公開表示數月前才跟前度男友復合，二人分手一年藕斷絲連，仍然念念不忘對方，所以決定再走在一起，她說：「是緣份吧，感覺這回事難以去解釋，既然真的很喜愛對方，想給大家一次機會。」雖然與男友已復合，但簡淑兒表明現階段是工作排第一，除了拍劇和返珠寶公司，她的私人生活好像只有健身做運動，男友對她來說比較像隨傳隨到的貼身司機，她曾表示藝人工作日夜顛倒，以前遲覆短訊會惹男友生疑，現在正學習互相體諒及磨合：「盡量跟他多點聯繫，他亦要體諒我工作繁忙，大家宜將焦點放回工作上，始終現在是事業搏殺期。」
細數簡淑兒入行8年完美進化史
有機會成為珠寶公司未來揸fit人的簡淑兒，出道以來經歷完美大進化，對於多次被指曾在臉上「做手腳」，她都堅持自己貨真價實，其實除了個樣唔同晒，近年她更受好姊妹陳婉衡感染愛上健身操肌，簡淑兒由嬌滴滴瘦弱女，操到有腹肌有馬甲線，不時在社交網晒健美身材，先後畢業於美國紐約州立大學帕切斯分校和清華大學的簡淑兒，有樣有身材仲有家族珠寶公司做大後台，無綫中又一禾稈冚珍珠的女筍盤，難怪男友要管接送睇緊啲啦！
做幕前靠樣搵食，簡淑兒一早知道現實殘酷，12年參選港姐時眼細鼻扁顴骨大，被指生得一張大媽臉，相隔八年，明顯五官大變，現時擁一雙腰果眼、娃娃臉，再加甜美笑容，被網民大讚有仙氣，還可以駕馭學生妹角色，完全進化版跟初出道時比較面目全非。