廣告(請繼續閱讀本文)
藝人陳家樂、衛詩雅、郭奕芯及朱栢康等出席電影《不日成婚》開鏡,由英皇老闆楊受成帶領上香及切燒豬,場面熱鬧。
家樂與衛詩雅受訪時,竟爆出家樂「訂婚」消息!衛詩雅笑謂:「今次係我帶呢個劇本畀公司嘅,所以要做到最好。我邀請咗4歲嘅姪女參與演出,佢昨日開工有板有眼,收工仲喊住話想繼續演,佢話大個都要拍戲,因為佢老公係陳家樂呀!」家樂接口謂:「兩年前用一包餅搞掂咗,大家『訂咗婚』,佢個姪女真係幾可愛,我都鍾意湊佢。」記者打趣小朋友可有因家樂緋聞呷醋,衛詩雅表示:「好彩佢未識字咋。」
廣告(請繼續閱讀本文)
今次戲中衛詩雅將大跳鋼管舞,日內將拍攝的一場戲,令她大為緊張:「通花喱士裝,我自己喺屋企都唔會咁着,之前着住練舞,工作人員話唔認得我!」為保神秘感,家樂未有被安排前往探班,導演想正式拍攝時捕捉其反應。問到家樂感覺時,他說:「都驚㗎,好似家姐喺我面前咁,不過我哋兩個熟到真係似家人,拍咀戲好似錫緊自己手臂咁。(睇完唔驚人呷醋?係咪要備案?)冇啲咁嘅嘢。」今次戲中二人未有親熱戲份,但終於Happy Ending,衛詩雅笑說:「合作咗3次,頭兩次都冇好結果呀。」
東網網站 : https://on.cc/
東網Facebook專頁 : https://www.facebook.com/onccnews/
廣告(請繼續閱讀本文)