【獨家】Edan AL再合體 姜濤收錢打籃球超過癮

昨日是MIRROR出道1000日，唔知一班鏡仔點慶祝，但就知姜濤、Edan（呂爵安）及Anson　Lo（盧瀚霆）再度合體，為連鎖快餐店拍攝新廣告。
三位成員分別穿上背心球衣，拍攝連串打籃球鏡頭。熱愛籃球運動的姜濤能夠寓工作於娛樂表現最興奮，見他跟Edan豪不留力打籃球，全程博到盡！
廣告一連拍攝數天，昨日凌晨，穿着白色衫的姜濤現身快餐店位於金鐘的分店。現場所見，姜濤正在拍攝一場和一名戴口罩的女子在快餐店內相撞的戲份，姜濤每次撞到對方後，手提電話㞊會跌落地然後執返，身手敏捷的姜濤當然冇難度，之後再「跳番Part舞」，雖然凌晨時分開工，但表現仍然精靈。