廣告（請繼續閱讀本文）
黃秋生、吳卓羲（Ron）、邵音音、艾威及林熹瞳等，到大馬出席馬來西亞藝人周雲冰的影視公司開幕禮，黃秋生還跟周強師傅於典禮上獲頒Asia Pacific Brands Foundation（The Words Best Brands Icon），秋生謂原本來撐場，沒想到來領獎。他笑說：「曼德拉都係攞呢個，嚇到我『搵窿捐』。」
秋生笑指仍然於失業狀態，到7月份會參演舞台劇。他笑說：「之前去試鏡一個英國舞台劇，全英文劇本，不過都係唔得㗎喇！全英文劇本喎，今日記到，聽日都唔記得啦，英文真係咁叻咩！（萬一成功呢？）同佢講唔得囉，去混吉。」
會上即場公佈該公司首部電影作品《一起走過日子》，由Ron與周雲冰擔任男女主角，已定3月正式開拍。Ron首次到大馬拍電影，與周雲冰扮演情侶，問可有激烈的感情戲？Ron說：「親熱唔多唔少都有，因為我哋關係密切。」周雲冰則說：「會有擁抱。（會唔會太少？）咁我錫佢多啲！」問周雲冰見到Ron後，可會加多點親熱戲份？Ron笑說：「可能係我加呢！（你做咩舔嘴？）天氣乾燥，無搽潤唇膏啫！」（攝影：駱震寧）