珍珠奶茶店開到成行成市,裡面啲珍珠都慢慢進化到七彩顏色,有冇諗過啲珍珠可以再進化,變成各式各樣嘅可愛動物呢?
最近有位網紅嘅IG備受關注,佢經常分享自己嘅手藝,強項就係製作可愛菓子,從海獅、熊貓,到金魚,全部像真度高仲好可愛。
呢個IG嘅主人叫Sally,係住喺加拿大嘅台灣人,起初佢見大部分人都係整曲奇、蛋糕同馬卡龍,但珍珠就未見過人整,所以佢就嘗試整珍珠奶茶啲珍珠。
廣告(請繼續閱讀本文)
珍珠有青蛙樣、八爪魚等等,細細粒珍珠上面有埋精靈小眼,可愛度爆燈!
最搞笑係當你吸入去嗰下,佢哋個樣扭黎扭去,唔少網民都留言話可愛到唔捨得食,仲係咁問Sally有冇整嚟賣,可惜佢話每次整珍珠都要用上2至3個鐘頭,加上有份正職無法大量製作,呢啲製成品都係畀屋企人或朋友享用,大家有得睇冇得試喇。
除咗Sally,IG都有唔少用戶係才華洋溢嘅食物藝術家,佢哋整嘅食物既可愛又精美,好似呢位特別鍾情史努比,所有甜品都係史努比角色:
廣告(請繼續閱讀本文)
而呢位製作好多色彩繽紛嘅糕點,間中會整下糯米團子,將團子變成柴犬,連招牌屁屁都神還原!
仲有好好出名嘅Jackie熊仔同埋賤熊,真係越睇越肚餓呀!
撰文:沙拉
廣告(請繼續閱讀本文)
靖逸(鹿鹿醬) 好得意呀!!!
2019年03月13日18:05
顯示全部