《復仇者聯盟4：終局之戰》上映以來，已經打破全球多個票房紀錄，影迷對電影嘅關注度依然高企，唔少商戶都趁機推出《復仇者聯盟》商品，就連剛剛上映嘅動畫《POKÉMON 神探Pikachu》都要同「復仇者」聯乘，Pikachu變咗做魁隆呀！
廣告（請繼續閱讀本文）
玩具商DS Studio同NewBra Studio分別推出Pikachu聯乘復仇者模型，前者走可愛路線，由Pikachu化身多位復仇者成員！
廣告（請繼續閱讀本文）
產品預計8月推出，但目前預購已經額滿，各位粉絲要等第二期啦。
NewBra Studio目前只係推出一款figure，不過消息一出已經獲得大批粉絲追捧，預計7月會有實物，可愛嘅Pikachu變成邪惡嘅魁隆，超霸氣！
廣告（請繼續閱讀本文）
鍾意下廚嘅話就唔可以錯過Odditymall嘅新出品喇。呢個品牌一向出啲好搞鬼又幾實用嘅產品，配合電影上畫，佢哋推出「無限手套」肉鎚！
保護到你對手之餘又保證可以揼碎晒啲肉，真係過癮！（圖片來源：Odditymall官網）
唔下廚，都可以考慮下買「無限手套」馬克杯，飲咖啡都霸氣啲。
呢期去開韓國或者台灣旅行嘅話，千祈唔好錯過一系列實用嘅「復仇者」商品，好似韓國平價生活品牌Daiso就推出超過70款相關產品，當中有唔少文具：
仲有杯杯碟碟同埋旅行用品，$7至$33不等，買畀自己或者做手信都好適合。
台灣7-11都有推出商品，需要集點換購，保溫杯最高質，其他預售產品開放當日已經賣完。
不過各位粉絲都唔需要失望，因為第二波已經登場，今次係一系列電子產品及配件，藍芽喇叭有多個款式，不過記者覺得無線充電座比較實用。
（圖片來源：InfoThink官網）
第二波產品唔需要集點可以直接購買，大家記得去多幾間便利店搜刮！
撰文：沙拉
