疑似受害者自爆 鹽叔不止出軌更曾「搞大肚」

好青年荼毒室鹽叔(楊俊賢)早前被爆對女粉絲瞞婚出軌，已經宣佈暫停所有幕前活動，而好青年荼毒室亦出聲明表示失望兼遺憾，看來暫時鹽叔都未會再出現。不過網民上又有人爆料，指疑似另一位受害人在通訊群組自爆，指曾經和已婚的鹽叔一起之餘，更曾為其墮胎。

昨晚有人在網上討論區開po：「【突發】荼毒室渣男鹽叔原來仲搞大埋人個肚」。而當中有截圖指是受害人自行爆料，當中提到：「見到佢2017年有戴戒指嘅照片，有當面問佢，佢話已經離咗婚。」「逼問之下承認其實根本冇離婚，仲有約一歲半嘅小朋友。」「連登有人上年年中左右見過佢同大肚嘅太太行街。」「佢同荼毒室講我有同佢一齊期間我有場大病佢無照顧到我，但佢口中嘅大病一場係上年11月頭我選擇咗終止懷孕。」指鹽叔滿口大話，由起初瞞婚，到聲稱會離婚，提到自己小朋友年齡亦有作假，最後該受害人更懷孕而選擇墮胎。