演崩潰戲零經驗　鄺潔楹搵姚子羚取經

無綫小花鄺潔楹(Judy)於新劇《一舞傾城》豁出去挑戰性虐戲份，為此專程煲外國情慾片取經，預告此乃從演以來最大尺度一次，不過除了該場重點戲份，其實Judy還有一場情緒崩潰戲亦非常搶Fo，由於未曾處理過該類戲份，故拍攝前專程向擅演苦情戲的前輩姚子羚偷師，Judy接受東網訪問時表示：「我睇過子羚喺《鐵拳英雄》入面嘅迷姦戲好深印象，所以就膽粗粗去問佢，冇諗到原來佢睇晒成套劇劇本，知我有呢場戲，所以都有交流吓，如果佢演係會點處理，原來大家想法都唔同，佢係開始時默默流淚先，我就掉轉，所以係一次她好珍貴嘅交流機會。」

Judy透露最終該場戲份NG了3次完成，幸劇組先拍攝她被蹂躪戲份，繼而順拍情緒崩潰戲，令她情緒得以自然投入：「因為場戲我同文凱玲拍，成版對白都係佢講嘢安撫我，我只係崩潰，本身我係需要對白帶動情緒，唔畀真係有難度，好在個角色令我好快投入到。」

東網網站 : https://on.cc/東網Facebook專頁 : https://www.facebook.com/onccnews/