【做街訪勁食檸檬】唱作新人黃明德（Dark）早前推出今年第三首歌曲《只想和你吃漢堡》，歌名包含「漢堡」二字，除了因為Dark十分喜歡吃漢堡，同時他亦以自身的中學生身份，唱盡中學生的愛情實況，「中學生未出嚟社會工作搵錢，只係靠零用錢，但有時零用錢用晒，最尾都係食漢堡包，所以我覺得呢樣好代表到我哋中學生嘅一啲純真愛情。呢首歌主要係圍繞住中學生嘅一啲純真愛情，我自己都仲係一名中學生，可以以一個現役中學生啲嘅角度去睇吓，究竟中學生拍拖會遇到啲乜嘢難題、愛情觀。」
街訪：
為了宣傳新歌，日前Dark便聯同網上平台 HKSchool Portraits進行街訪，大談受訪者的中學情史。Dark表示，這是他首次的街訪，難度比他想像中高，「我以為就咁搵幾pair人問佢哋幾條問題就得，但原來無論問問題又好，見到平台嗰邊啲問題都準備咗好耐，再加上街上面啲人唔係個個都會應承你，所以樣樣嘢加埋其實都拍咗好耐，比想像中辛苦同攰好多。」他謂大部份的人見到鏡頭便會立即加快腳步或調頭走，難度再加倍，「比我想像中難好多，當中亦有好多原因，有啲話因為冇化妝所以唔想上鏡，或者有啲係唔方便上鏡等等。」Dark笑說這個街訪最難忘是被人不停拒絕，「我以為啲人都會好樂意做街訪，冇諗過有咁多人拒絕我，都有三、四十個，我諗呢一日係我成世人俾人拒絕得最多嘅一日。」最後，他不忘感謝當日所有的受訪者，「多得你哋我哋先可以完成呢街訪拍攝。」
除了推出新歌，Dark亦跟網上平台合作推出「放學UFO」企劃，Dark謂因為疫情關係，中學生大部份時間只對着zoom，「好多活動冇晒，所以今次特別搞咗呢個『接放學』服務，希望可以製造一個難忘嘅中學回憶俾大家。」企劃昨日正式接受報名，Dark的社交平台早已有數百個報名留言，他坦言十分驚喜，「希望俾到大家體驗吓多啲不同嘅有趣活動，之後仲會送埋佢哋返屋企嘅一個旅程。」
#黃明德 #只想和你吃漢堡
#香港音樂人 #香港製造 #makeinhongkong
#香港人撐香港音樂 #撐廣東歌撐谷Live #香港音樂
#2022廣東歌 #新歌
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3sECI7C