自助餐控召喚！
還記得上月底晚市重開，隨即因人龍排到出商場而登晒報嘅超人氣花月庭自助晚餐，令我一直欲欲想試…！前幾日終於預約成功，立即拉埋幾個朋友去食！🤤
花月庭店如其名，自助餐均以「花」有關，好似今年4至6月就將春季象徵嘅櫻花為題，帶來「桵の美味 • 盛宴綻放」自助晚餐！
除了一系列佳餚外，仲特別加真櫻花入饌，賞櫻嘗櫻，視覺與味覺雙重滿足！
（*由於是自助餐，試咗唔少菜，所以精選部分必食來介紹！）
\櫻花主題壽司/
✦ 蟹籽蟹柳肉箱柙櫻花壽司 🍴4/5
小編覺得花月庭之所以咁受歡迎，其中一個因素絕對係日本菜特別多！今次，我最愛就係佢哋「蟹籽蟹柳肉箱柙櫻花壽司」，內餡有蟹柳及蛋絲，外層剛混合櫻花魚粉，睇上去色彩豐富，食慾大開！
呢個系列帶有微微酸甜，食完6件都唔覺得膩！
✦ 櫻花卷物 🍴4/5
另外，櫻花卷物都勁靚，同樣地外層加咗櫻花魚粉，加上捏成葉狀，睇上去十足綻放嘅櫻花！卷物分素及葷兩款，素食有用黃蘿蔔和青瓜作為餡料，口感清新，葷食則用北寄貝沙律作為食材，鮮味滿分！
\櫻花主題熟食/
✦ 鹽漬櫻花燒鯖魚 🍴3.5/5
鹽燒鯖魚大家吃得多，但花月庭嘅版本，加入鹽漬櫻花、清酒、味醂、薑蓉等食材，鯖魚香脆惹味，滲透陣陣花香，感覺幾惹味！
✦ 櫻花梅子冷麵 🍴4/5
花月庭特別用上日本進口嘅櫻花梅子冷麵，單睇粉紅色嘅外表都覺得好靚！加上木魚花及醬油熬成嘅湯汁，麵條幼滑，帶有鮮味及花香，好醒胃！
\櫻花主題甜品/
✦ 櫻花白桃日式芝士蛋糕 🍴3.5/5
蛋糕上層有由日本桃一片片排成花狀，埋藏於晶瑩剔透啫喱下，賣相精緻！底層則係櫻花慕絲芝士蛋糕，有白朱古力作為外層圍邊，食上口清甜、軟滑又脆脆地，好特別！
✦ 草莓櫻花天使蛋糕 🍴4/5
勁愛呢款草莓味天使蛋糕，口感超鬆軟，入面夾有櫻花忌廉及新鮮草莓粒，難得仲要唔係好甜！簡簡單單最正！
✦ 沖繩紅芋櫻花撻 🍴4/5
我以前去沖繩，每次都必食紅芋撻，估唔到呢度食得返！用上沖繩紅芋，甜度、香味及鬆軟度都一流！最特別係內藏煙靭嘅櫻花麻糬，超推薦！
✦ 櫻花抹茶紅豆他媽哥卷 🍴4/5
抹茶配紅豆是常識吧！原來再加入櫻花，效果都幾正！喺宇治抹茶蛋糕加入櫻花白豆蓉，甜而香糯，小編輕鬆KO 2-3件！
\同場加映/
✦ 冰鎮海鮮 🍴4/5
除咗櫻花系列，花月庭嘅冰鎮海鮮都超正！我至愛法國生蠔，即叫即開，任食呢下好爽！另外，麵包蟹、藍青口、新西蘭青口、熟海蝦及翡翠螺等，選擇幾多！於星期五至日、公眾假期及前夕，仲可無限任享蜆及凍龍蝦，彈牙爽口的龍蝦肉，滿足度爆分！
✦ 胡椒蒜香烤安格斯牛肉 🍴4.5/5
嚟花月庭，呢個係必食之選！即烤美國安格斯有骨肉眼，肉質鮮嫩，帶骨肉眼，食上口比一般肉眼扒多一份油脂香，超正！另外，我好鍾意佢哋嘅肉眼加咗芥末、紅胡椒及黑胡椒，勁惹味！
胡椒蒜香烤安格斯牛肉、西班牙烤豬腩肉及寶雲酥烤羊鞍同樣於烤肉區輪流供應，食肉獸絕不能錯過！
✾分類標籤
#daydayfoodie_buffet
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎡味道：4.5
🎠環境：3.5
🎪服務：3.5
🕌CP值：4
（*5為最高分）
★－:+:－:+:－:+:－:+:－★
◌ 花月庭
◌ 旺角太子道西193號帝京酒店2樓
★－:+:－:+:－:+:－:+:－★
🎀 記得like埋我，每日放送打卡好去處！📸
www.facebook.com/daydaycheckin
💗ᴿᵉᵃᵈ ᴹᵒʳᵉ
www.instagram.com/daydaycheckin