日本女生4式30秒輕鬆瘦身操 一個星期腰圍最多可以減至X厘米！

秋冬嚟臨，咁凍嘅天氣大家更係想留喺暖笠笠嘅被竇，想做運動減肥都要好大勇氣，唔想靠大褸遮住自己嘅肥肉同大象腿？小編而家要同大家分享日本女仔嘅4式30秒輕鬆瘦身操，一個星期腰圍就由90厘米減至83厘米，足足減咗7厘米，一齊入內文睇下呢個瘦身操究竟有幾神奇啦！

圖片來源：網絡圖片、《サタデープラス》｜撰文：Sharon

日本綜藝節目經常會進行唔少實測，而「サタデープラス」呢個節目就調查咗女仔認為最難減走贅肉嘅3個位置，當中包括手臂、腰部同大腿內側部位。於是節目組搵咗唔同嘅女仔進行減肥測試，發現其中一組測試對象嘅腰圍喺一個星期內，由由90cm減至83cm，咁有效都係因為做咗呢個4式30秒瘦身操咋！

1. 拉伸手臂肌肉招式-減手臂

想減走Bye Bye肉其實都唔係想像中咁困難！先舉起右手向後彎，然後左手從腰側後方向握住右手，咁右臂嘅Bye Bye肉就可以得要伸展，從而達至消脂效果，記住兩邊都要做㗎！至於另一組動作係針對背部嘅贅肉，用作類似游蛙泳嘅動作，有助減手臂同背部嘅贅肉～呢類動作每日做3次，每次做5組，兩個星期後竟可以減走2厘米！

2. 直立式減肚腩山字式

肚腩一定係各位女士們最難減嘅部位之一，而呢個直立式減肚腩方法就可以幫到大家啦！首先雙腳嘅腳踝要緊貼，腳指向外，以外八字姿勢站立。然後雙手合十，向上舉高至頭部上方。雙腳腳踝升高，雙腳腳踝仍然要保持緊貼一齊，做呢組動作時，背部同腹部肌肉都會感覺被拉直，需維持動作5秒。

3. 山字式瘦腰美臀法

呢個方法最啱成日坐Office嘅女士做，首先雙腳大字形向外伸，屈曲雙腳，腳指向外指。膝蓋內側要向外伸，身體要同時向下壓至兩邊大腿成水平線，之後再慢慢升起。各位記得做呢Set動作時，要挺胸收腹、膝蓋唔好向下彎 ，而是向外打開。各組動作要重複5次，早晚各做一次，再配合埋飲食，一個星期腰圍最多可以減走約7厘米！

4. 女戰士三角操-減大腿內側

想減走大脾內側嘅肉一定要學呢招「女戰士三角操」，首先身體要打開成大字形，左腳指向左側，而右腳則指向前方。之後將成個身體向左邊打側彎腰下落，用左手垂直觸碰左腳背，右手向上伸，呢組需要做重覆3次，左右兩邊都要做，建議每日早晚各做一組，腰圍最多減去4.5厘米，大腿最多可以減去1.5厘米。

咁簡單嘅瘦身操就可以減到肥，大家有興趣記得試一試喇～