MIRROR成員呂爵安（Edan）被拍到跟林明禎蜜遊台灣兼拍拖行夜市，昨晚（23日）Edan出席商台《903 Allstar 籃球賽》時，直認與了解中的林明禎同遊台灣夜市，但他仍否認拍拖，對方亦不是女朋友，問到為何搭膊頭，他解釋搭膊只是當時正下雨，屬Gentleman的表現，但強調自己專一，不會搭其他女仔膊頭，他說：「係我本人嚟，唔好恭喜住。（已了解完？）和之前一樣繼續努力中，希望大家給予空間，高抬貴手不要壞我好事。」
他笑言到當地只是見過面和吃東西，下次會換部相機和對鞋，希望再見到該網民時，對方可上前打招呼或自拍，但不要影他們。
廣告（請繼續閱讀本文）
對於有粉絲不滿他高調拍拖，疑惹脫粉搞到他在今年叱咤「我最喜愛的男歌手」最後5強不入，他則說：「係咩？應該唔關事，上年都入唔到，大家放心，我會繼續努力。我反而覺得無論發生乜嘢事， 粉絲都好支持，其實好感動，多謝大家咁支持我，唔會唔開心，覺得自己做得未夠好，希望下一年喺音樂上有多啲突破，我已經準備好，大家期待一下。」
（即時娛樂）