終於上水 達哥facebook更新：「我推咗幾多Job我係咪又要出post話你知啊？」

之前一直深受連登兄弟愛戴的直播打機紅人達哥，自從今年6月4日開始，就有網民說他刻意迴避談論六四、返逃犯修訂條例等問題，當時亦一直未肯表態，去到6月6日達哥更宣佈暫停每晚直播，自此之後，大量連登兄弟都表示失望，亦有人狂鬧。另一邊，YouTuber「大J」一早表態又行得前，早前更出post說：「如果你係因爲同現有公司合約，或公司不容許你發聲嘅，而你係想發聲嘅，同我講，如果有解約金要畀嘅，我幫你畀！」霸氣又有型，贏盡掌聲，一向不支持兼常恥笑他的連登網民更掀起道歉潮，「大J」正式在連登被捧上神枱。就在這個時候，達哥終於上水……

之前被鬧不表態的達哥，其實在6月13日都出過post說：「一直關注事件，希望傷者盡早康復，天佑香港！」但「兄弟們」仍然覺得他模稜兩可，再之後，就是7月14日宣佈他有份演出的舞台劇押後，然後沒有再表態。直至昨日(22日)，經過前晚元朗暴力事件，達哥終於爆發，一向在直播不會說粗口的他，文中更有不少助語詞，似乎很激動：

「你估我一直比人鬧緊唔出聲好過癮呀？？？你認為咁樣我可以發大達你係咪天真到咁呀？我推左幾多Job我係咪又要出post話你知啊？如果你地需要既係咁樣咩都攞出黎做show先叫有做野既kol，對唔住，我確實唔X係呀。而家需要既係政府做野，警察做野，日X日X開post鬧我香港會更好我都認命，我出post香港問題就即刻解決我都義無反顧，你寫好比我直出都得！！問題係我亂出POST只係幫需要出黎被問責既人spin個風向去我度咋，你明唔X明啊！！！！尋晚既事，我都好嬲呀，而家普通市民出街坐地鐵都比人打呀，香港而家居然可以發生呢d 周街集體亂打人既事，而差佬係可以唔理，唔拉人，究竟點先搵得返大家嚮往既香港??而家香港社會最應該做既係統一風向，focus 返係呢件事度啦大佬！！！！」