衛詩雅（Michelle）為慶祝其YouTube Channel達到十萬訂閱，決定大派福利，日前罕有著上白色Deep V泳衣玩wakesurf，大晒fit爆身形。Michelle落力經營網上頻道之餘，更密密接job，繼早前完成拍攝賀歲片，日前又參與新落成嘅商廈「The Cloud雲之端」廣告片拍攝。
撰文、圖片：東方新地
衛詩雅即興表演「一秒爆喊」
廣告（請繼續閱讀本文）
片段中，Michelle分享當演員嘅經歷及感受，佢話雖然入行多年，但仲未有一個演得最好嘅角色：「我未搵到！因為我覺得每次演完一個角色後，都覺得仲可以好啲。如果要搵一個自己覺得一百分嘅演繹，我覺得係未有。其實我對自己要求好高，我仲搵緊呢個角色，希望有一日可以好肯定咁答到大家係邊個角色。」廣告其中一幕，Michelle竟可一秒爆喊，完全演技大爆發！但原來呢場「戲」劇本係冇嘅，只係導演同Michelle現場即興「演 」！要突然爆喊，Michelle坦言當時腦內一片空白：「我嗰陣時諗唔到任何嘢，因為我哋拍攝嘅時間有啲倉猝，要追日光再去拍一啲片段同相。冇特別諗啲乜嘢劇情，而係運用一啲技巧令自己喊。」
廣告（請繼續閱讀本文）
廣告（請繼續閱讀本文）