日本便利店一向都提供唔少高質美食，尤其是甜品類更往往會於網上造成迴響！今次就等小編同大家睇下有咩新品同網民推薦啲咩便利店甜品~其中本週人氣基乎都來自7-11呢～可惡啊！全部都極邪惡～好想食啊～～～
本週人氣ＴＯＰ５
＃第五位 Lawson Uchi Cafe’ SWEETS×GODIVA 松露朱古力撻 350円連稅
Uchi Cafe嘅甜品一向都好高質，今次同GODIVA聯乘咗呢個松露朱古力撻，以實力撩撥朱古力控嘅心。
朱古力撻上放咗3粒松露朱古力，再撒上少少糖粉，好有冬日氣氛！
網民表示冷凍２小時口感最好食～係大人味道嘅苦甜朱古力撻。
＃第四位 7-11 小熊維尼楓糖漿吉士 408円連稅
可愛的Winnie the Pooh又有邊個抵擋得住？唔止香港人鐘意Winnie the Pooh，日本人對Winnie the Pooh嘅喜愛更甚呢！
呢個Winnie the Pooh蛋糕由吉士、海綿蛋糕、楓糖醬同楓糖餅乾製成，一打開楓糖嘅香氣撲鼻，太惹人垂涎啦～
唔止外表可愛，入口亦溶嘅甜溶入鬆軟嘅蛋糕，令人感受到Winnie the Pooh嘅溫暖，一下子傳遞到全身了！
今次迪士尼系列仲有推出士多啤梨味嘅米奇PatPat蛋糕，可惜入唔到5強。
＃第三位 7-11意大利布甸 248円連稅
感覺有啲似芝士蛋糕，質地同平時我地鐘意去便利店食嘅布甸非常唔一樣。入口後雞蛋味立即於口內擴散，伴隨住香甜帶苦味嘅焦糖香，月頭先上市，就得到第三位！
有人建議將佢冷凍之後再食，就會變成雞蛋味嘅芝士蛋糕啦～
唔少網民都表示佢唔會太甜，所以都唔會好漏，但喜好甜味嘅人表示焦糖可以再加多一點點，適合偏好清淡口味嘅朋友。
＃第二位 7-11 牛奶朱古力蛋糕 699円連稅
可能係因為聖誕節嘅關係，蛋糕需求上升，呢個聖誕節蛋糕一人食或者2-3人分享都可以，小小的分量更受歡迎！
就咁睇外表已經覺得好冬天～一面一個個朱古力波波好可愛啊！
至於口味係瑞士朱古力忌廉同朱古力海綿蛋糕嘅組合。設計者仲好貼心咁係蛋糕內加入朱古力脆餅同士多啤梨醬，唔止口感同味道更豐富，感覺上都無咁heavy。
唔少網民都表示買咗黎送比朋友做聖誕禮物喔！
＃第一位 7-11 小岩井農場Makiba芝士蛋糕 429円連稅
外表係低調又不失可愛嘅白色蛋糕，係聖誕週引爆大人氣！芝士蛋糕使用小岩井產的濃郁忌廉芝士，二層芝士蛋糕中間夾住海綿蛋糕同芝士慕士，上面嘅脆皮為全個蛋糕在口感上增添不少分數，色香味俱全難怪成為本週冠軍！
唔少網民都表示呢個蛋糕好有深度，奶香同芝士香都驚為天人，而且一個只有242卡路里，偶爾為美食破戒也不會覺得好罪惡。
不過呢個蛋糕係唔建議一層一層食，經小編刨Comment之後發現，唔少網民都表示單吃CREAM CHEESE部份會比較酸、而海綿蛋糕同上層嘅脆脆卻又好甜，所以要一啖切到底食會比例好食喔！
新品必食！
#SNOW HOBOCLIM 245円連稅
日本Lawson推出嘅甜品一向不遜色。11月先新推出爆紅嘅「ホボクリム」喺twitter上被網民瘋狂大讚好食。因為佢食嘅時候係要吸啜個超薄皮波波，吸到成個口都係cream，令人充滿幸福感。
今次再推出SNOW HOBOCLIM，係HOBOCLIM上面加上糖粉營造雪嘅感覺，全脂奶忌廉嘅脂肪加上當造嘅宜多啤梨果肉邪惡得令人難以抗拒！
睇黎日本人嘅幸福感，因為SNOW HOBOCLIM擦出咗新高度。
＃LAWSON 士多啤梨曲奇泡芙 158円連稅
曲奇外殼出面係一層士多啤梨朱古力，入面包住流心士多啤梨忌廉同果肉。
餅皮嘅泡芙好特別，唔少網民都給予好高評價呢!
#LAWSON SNOW BASCHEE芝士蛋糕 380円連稅
望落感覺超高級嘅便利店蛋糕。大量芝士同忌廉好似雪一樣由表面散落，係雪下面係香脆嘅烤杏仁。而基底則是厚厚的芝士蛋糕。
鬆軟香甜嘅Topping遇上厚實而綿滑嘅基底，一發售就即刻引爆熱潮！
呢個不論係味道定口感都十分豐富而和諧嘅蛋糕，日本網民形容佢做「快樂小蛋糕W」，經過Lawsons必定要買黎試試味~