距離聖誕節愈來愈近，仲未諗好買咩聖誕禮物？唔緊要，CHOCO有好推介。最近本小姐的好朋友BT21和美國尼龍包品牌LeSportsac聯乘推出全新冬季系列，包括化妝袋、短銀包、旅行袋、手挽袋等，一眾宇宙明星更換上冬裝，化身超可愛的管弦樂團，充滿節日氣氛。
今次的聯乘系列主要以黑和粉紅兩種色調來設計，黑色型格又百搭，粉紅色則洋溢著青春的少女感。全部產品也採用了品牌最標誌性的耐用降落傘布料，時尚得來又不失功能性，當中特設8個別注版化妝袋，分別以BT21不同角色為設計主題，背面更印有他們的簽名，相信這會是送給A.R.M.Y.的最佳聖誕禮物呢。
別注版化妝袋（$220/個）有齊8個BT21角色的專屬款式，粉絲決定好要入手邊個未呢？背面印有宇宙明星獨一無二的親筆簽名，好有珍藏價值呀。散銀包（左：$250/個）；拉鏈短銀包（右：$440/個）短銀包的間隔多，小巧又實用。三拉鍊斜孭袋大小適中，平日出街用最啱。（$460/個）BT21管弦樂團超得意，密密麻麻地堆在袋子上好有氣勢。如果你懶得將東西分隔放好，最好就將所有東西統統放進這個單揹袋（$360/個）。大背包（$1,150/個）容量大且輕身，物料又透氣，夏天孭都唔會令背部焗促。梯形化妝袋（左：$220/個）和長銀包（右：$530/個）都採用了型格黑色配紅邊的設計。打開長銀包睇睇，內裡用上螢光黃色的間隔，非常Sharp醒。黑色的經典斜孭袋（$460/個）配上色彩繽紛的BT21角色，本小姐身穿皮褸都一樣carry到。索繩背囊（$350/個）易於收藏，出街做運動必用。側肩及手挽兩用袋（$440/個）有兩種不同孭法，讓你隨時轉換造型感覺。如果聖誕節計劃出國，最適合用這個大型旅行袋（$1,360/個），Hand Carry或放在行李箱內都好方便。這個系列產品現已登陸LeSportsac金鐘、尖沙咀、旺角、元朗專門店、銅鑼灣SOGO JY’s店及E-shop發售，留意LINE FRIENDS Store係冇得賣㗎，想買嘅朋友記得唔好去錯喇。
