洪永城昨晚不讓囡囡早睡迫看他的節目。
洪永城（Tony）帶領兩名J2er胡美貽（Nicole）及布樂文（JB）擔任主持的旅遊節目《阿媽唔信我去亞馬遜》昨晚（12日）首播後，Tony在IG上載迫囡囡Amber（Sir Face）捱眼瞓撐場短片，坐在爸爸大髀望向電視的Amber啜住奶嘴，爸爸則不停輕輕說：「頂住頂住，唔好瞓住，睇一陣，爸爸！爸爸！」Amber被阿爸洗腦終於說：「爸爸」，Tony終於「收貨」。
不過他卻講反話，留言：「叫咗個女唔好捱夜等睇我嘅節目㗎啦，又唔聽我話，不過算啦一次半次，可以父女一齊睇我嘅旅遊節目，俾bucket lIst去亞馬遜，更加值回票價喇。最後衰女終於認得我啦」！網民都指是Tony迫囡囡睇，留言：「Sir face好慘、唔俾瞓」；好友王曉君更指：「你拍咗佢四十吓度，佢終於嗌爸爸」。
今晚（13日）的一集，「港女野人」Nicole為了成為「亞馬遜女泰山」挑戰攀爬高達40米（即約14層樓）的大樹，由於全程只能依靠自身肌肉力量向上爬，Nicole全程邊爬邊嗌邊Keep住撞樹，花了足足15分鐘，Nicole終於登頂，還應教練要求躺在網牀上拍片。
Nicole挑戰攀爬14層樓高大樹。
明晚（14日）一集，爬開有條路的Nicole將挑戰二度爬樹，被委派學「呃like三式」：爬樹摘生果、豪氣拔木薯及生食肥美椰子蟲，可惜連環蝦碌，當中只有椰子蟲叫勉強過關，因為Nicole之前已有了試吃經驗。事緣原來椰子蟲是部落土著的美味零食，三位主持獲網紅土著賜予試食最肥美、最活躍的椰子蟲；不過Nicole與Tony均未能適應，Nicole咬完第一口後即急忙將蟲蟲吐出，然後不停尖叫加打冷震，她事後猶有餘悸︰「最驚係咬咗一半攞出嚟，條蟲仲喺度郁緊。」
Nicole食椰子蟲呃Like。
至於Tony反應更加激烈，咬完第一口即嘔，嘔完之後更眼淚口水鼻涕一齊嚟，Tony事後大呼︰「陣味好腥，真係頂唔順……」JB則完全沒問題，更大讚「味道不錯」。除了挑戰食蟲，三位主持還挑戰垂釣及品嚐「冇乜肉食」的食人魚，Tony跟Nicole指食落有「鹹魚味」，JB則指食人魚湯與西洋菜湯味道差不多。
三位主持首食椰子蟲場面。