廣告（請繼續閱讀本文）
早前因倒車撞阿婆事件愈描愈黑的男團ERROR成員郭嘉駿(193)，近日修心養性努力工作，並得到數碼暴龍主漫畫家賞識，賜他一個獨一無二的畫像，193在社交網晒出手臂的新紋身，原來是他人生首個紋身，紋身圖案由數碼暴龍主漫畫家余老師為他創作，他表示每人心入面都有一隻數碼暴龍，「感謝余老師我創作咗一隻獨一無二只屬於193的數碼獸，總算係完成咗我兒時夢想，兩個月前我將自己細個嘅故事講咗畀余老師知，老師根據我嘅故事創作咗好多張漫畫，由角色到數碼獸幼年期到完全體都有，去到紋身studio商討之後，喺好多張余老師嘅作品選擇之下最後竟然決定將余老師畫嘅第一版最raw嘅手稿紋上身，其實我到呢一刻都唔肯定呢個決定係唔係正確，不過我本著 you only live once嘅信念，有時啲嘢當刻想做就要做㗎啦！唔做可能更加後悔，又或者就算以後後悔，都係人生嘅一個經歷嚟！」193笑言到現時為止，都好滿意個紋身，已有下一紋身的想法。七仙羽留言讚紋身「好靚！型！有創意！特別！潮！」
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/