林家謙上星期再次驚喜地推出新作，《四月物語》係久違嘅情歌，以旋律勾起大家青春曖昧之回憶。
「又等明天 明天才見 明天這麼遠 這樣令人想掛念」
初春係戀愛嘅季節，當青澀嘅少年喺和暖天氣下，碰上心動嘅對象，個份對愛嘅憧憬係一發不可收拾。朝思暮想，只期待與心上人見面，那怕係一個眼神接觸，一句對話，足以令自己樂上整天，成為生活唯一光芒。
「這句話 如何的開始 如何的啟齒 無人知曉的心意 很想接下去描寫初戀」
然而，當喺你身旁，我總會不自覺地變得腼腆，做各種傻事無非想拉近距離，卻無勇氣表達內心。一句告白看似簡單，但要講出口係無比困難，每日輾轉難眠，心亂如麻。幻想能夠浪漫地相遇，幻想大家甜蜜地邂逅，幻想你也喜歡我，可惜一切不過係空想，心意最終只能長埋心中。
「想知我們如在櫻花都散落時 又會否剛好的鍾意 待你寫上我們的詩 如可以」
四月是愛情的開始，也是終結。歲月匆匆，彼此嘅生命線擦身而過，就讓回憶留在當時，將一切定格喺最美好嘅瞬間。
雖然依段似遠又近嘅初戀充滿遺憾，但又令人念念不忘。日後再憶起，當時嘅感覺依然會湧上心頭，或者依個就係青春。
「但是你不寫我的小故事 留下我不捨你的事 以後遺憾沒有戀愛一次」
家謙嘅情歌向來係我至愛，由《下一位前度》、《拼命無恙》、《時光倒流一句話》到《四月物語》，每次演繹都以淡然開始，逐漸將傷感唱進內心，聽一次就馬上著迷，係有種獨特嘅吸引力。今次MV搵嚟Jace做女主角更帶出滿滿回憶，時光飛逝，轉眼間《隔離》已經係五年前嘅作品了🥹
「翻開了無數情節 到最後都沒有那些事 願我記得而同時淡忘了」
你又記唔記得人生第一次對人心動嘅情景？
《四月物語》林家謙
曲: 林家謙
詞: 陳銘洋
編: 林家謙
監: 徐浩/ 林家謙
「但是你不寫我的小故事
留下我不捨你的事
以後遺憾沒有戀愛一次
匆匆四月 如何的開始 如何的終止
從來無牽手的章節
翻開了無數情節 到最後都沒有那些事
願我記得而同時淡忘了
舊故事 誰曾留伏線
時和地 空等一個條件
是最青春的某人 望見」
▼Follow hkpopculturelover
Instagram: https://www.instagram.com/hkpopculturelover/