泳兒興奮有得再開演唱會。
泳兒（Vincy）繼2019年的演唱會後，今日宣布相隔三年再開Show，會在 10月2日於九展Star Hall舉行《Vincy Chan Breaking Live 2022》，Vincy十分興奮說：「係我轉咗暗黑系列之後第一個個人演唱會。」演唱會主題為「Breaking」，亦寓意Vincy這幾年的break through，要衝出舒適圈，重新審視，把自己舊有的概念粉碎然後重新整理、沉澱，「喺呢個過程中我搵到自己嘅方向、想做嘅音樂，唔再留喺自己嘅舒適圈，所以諗到『Breaking』呢個theme作為今次演唱會嘅主題。」
廣告（請繼續閱讀本文）
拍攝海報是Vincy歷來最輕鬆的一次。
拍攝海報當日，Vincy換了三個造型，以玩味感捨棄以往的華麗靚靚，亦是Vincy歷來最輕鬆的一次，因為今次拍攝都不需要太多的郁動，每一造型都只可作有限度的動作，其中一個造型是Vincy頭部從圓形木板伸出，猶如舞台的升降台在台下升上台面的感覺，「因為木板個窿都係細嘅，帶住嘅耳飾又比較大，所以係唔需要郁之下快速完成拍攝；另一個造型服裝cutting好貼身兼長度過埋膝頭，只可以小碎步咁行，又係唔使郁系列。」
廣告（請繼續閱讀本文）
唔使郁。
至於演唱會rundown，Vincy自言很想做一個沒有「break」的演唱會，希望觀眾得到一連串的視覺及聽覺的享受，「就好似睇一套電影咁，可以focus喺電影裏面，可以放鬆心情，好好享受。」
廣告（請繼續閱讀本文）
其中一個造型是Vincy頭部從圓形木板伸出。