姜濤包到冚入場睇籃球賽　現身修頓支持香港東方

東亞超級聯賽（EASL）昨晚（1月7日）在灣仔修頓室內場館上演，「香港東方籃球隊」主場迎戰韓國KBL聯盟亞軍球隊「水原KT音速彈」，最終「香港東方」以69：61取勝。此場聯賽吸引不少籃球迷入場，包括被主持吳毅豪以「本地偶像」介紹的姜濤亦包到冚現身修頓。

HOYTV 昨晚轉播賽事，在中場期間鏡頭影向觀眾席，主持吳毅豪以「本地偶像」介紹姜濤：「嘩，我諗中間個位大家都認識嘅，就係我哋本地嘅偶像都嚟咗現場嚟睇波。」有網民轉載相關片段，吳毅豪留言寫道：「Sor ! 因為我代表HOY TV做緊直播 ，所以唔方便講佢個大名出嚟 唔好鬧我」。期後吳毅豪再在社交平台發文，寫道：「EASL 香港東方 對 水原音速彈Live !恭喜東方最後贏波，保持晉級四強機會！姜B 都有現場睇波！應該FANS 唔知，否則坐爆修頓之餘，成個外圍可能好震撼」。

熱愛的姜濤以全身黑衫現身修頓室內場館，笠住衛衣帽、戴上黑色口罩和眼鏡的他，不時跟兩名朋友傾談。HOYTV鏡頭更捕捉到姜濤於興起時，挨向其中一位朋友。姜濤於賽後亦在社交平台分享幾個限時動態，貼出「香港東方」球員介紹單張，並tag「香港東方」和其隊員「梁兆華」。