31歲張寶兒穿皮草釀「時裝車禍」 被狠批老土不環保

近年不少時裝品牌已不再使用皮草，義大利、法國等地亦相繼禁止皮草養殖。不過醉心時裝，兼為《聲夢傳奇》學員擔任造型師的張寶兒（Bowie）日前卻反其道而行，孖住妹妹張寶欣（Boanne）於馬場活動時穿着一身皮草亮相，貴氣非凡，卻惹來網民狠批兼留言抨擊：「別穿動物皮草，很不好的示範」、「點解着皮草？好老土！」。不過亦有網民留言力撐，表示：「非常環保，假的就不會分解」。

31歲的張寶兒與29歲的妹妹張寶欣同為港姐出身，二人參選時被揭家底豐厚，父親經營內衣生意兼被冠以「底褲大王」之名。Bowie一家熱愛皮草，上至媽媽下至妹妹都是皮草愛好者。只得29歲的妹妹Boanne於IG經常上載不同款式皮草的靚相，每年冬季都有新款上陣。近年張寶兒（Bowie）經常因時裝而惹是非，除幫老公袁偉豪擔任造型師被評「炒車」 外，去年7月於《聲夢傳奇》臨近決賽自爆為學員擔任造型師，更就網民狠批未夠班，令一班後生女慘變大媽，其中幫年僅14歲的Chantel配襯黑白及膝裙更備受抨擊，亦令炎明熹慘變大媽！不少人留言指：「唔怪得咁娘」、「連自己都搞唔掂，點幫學員？」 想不到事隔1年，再因穿著皮草而惹抨擊。