喺香港已開業14年嘅正宗葡萄牙菜餐廳 Casa Lisboa，由葡籍總廚親自主理多年嚟都保持到地道滋味，最近以當造新鮮嘅葡萄牙紅蝦入饌，炮製出多款各有風味嘅紅蝦菜式。
經典嘅葡萄牙口味必選，「葡萄牙傳統啤酒煮蒜紅蝦」（$148/隻）以橄欖油及蒜片將紅蝦炒香，吱吱作響上桌特別香郁。另一前菜「紅蝦他他」（$165）配上凍番茄湯，以番茄、燈籠椒、青瓜、洋蔥等大量蔬菜熬成凍湯，清新香甜。
廣告（請繼續閱讀本文）
賣相新穎嘅「紅蝦三文治」（$210）嚟自葡萄牙北部，於麵包淋上以海鮮及啤酒熬成嘅醬汁，啖啖鮮濃。「紅蝦帶子海鮮飯」（$588）分量很多，以大量蟹、蝦、龍蝦熬 5 小時而成嘅湯汁濃郁無比，用以將生米煮成海鮮飯夠晒入味。
廣告（請繼續閱讀本文）
現凡惠顧單點紅蝦新菜式，即可免費獲贈紅酒或白酒 Sangria 一杯，優惠只至 4 月 30 日，在此享用晚餐望着中環大館夜景，喝一杯葡萄酒，特別好氣氛。
地址：中環雲咸街 63 號巴力大廈 2 樓
電話：2905 1168
廣告（請繼續閱讀本文）