廣告（請繼續閱讀本文）
廣告（請繼續閱讀本文）
台灣女星林心如與老公霍建華向來係圈中模範夫妻，最近霍建華更為林心如「復出」，睽違2年客串老婆主演兼擔任製作人嘅大熱台劇《華燈初上》，不但飾演階下囚，仲不收分文免費演出，獲讚「寵妻狂魔」！而心如都好識做，不時喺社交網「灑狗糧」放閃，繼早前生日網晒從後攬實老公嘅甜蜜合照後，呢日佢食飯時大玩自拍，就「意外」拍到老公入鏡，自揭兩公婆齊齊撐枱腳，見霍建華本來玩緊電話，但一見到心如自拍，先係怕醜掩面，再Chok到爆高舉手指公畀Like陪老婆影相，氹得心如即冧爆甜笑，不過心如就笑指其實冇在意過老公入鏡：「完全沒有在理會背景的自拍照。」雖然佢哋大晒恩愛，但唔少網民似乎睇《華燈》入戲太深，未能抽離戲中2人嘅敵對關係，就連好友台灣天團五月天主音阿信都笑指：「Kinoki是不是要找Rose媽媽麻煩！（追劇中毒）」
東網網站 : https://on.cc/東網Facebook專頁 : https://www.facebook.com/onccnews/
