（圖片來源：港協暨奧委會）
（獨媒報導）年僅17歲的「小飛魚」張心悅為全力備戰巴黎奧運游泳賽事，在中五休學一年。張心悅今日出戰女子200米背泳初賽，最後以第26名完成賽事，無緣晉級準決賽。被問到休學一年的得失，張心悅指放棄了同輩所擁有的休息時間及上學經驗：「都犧牲咗好多，但係可以嚟到奧運呢個舞台，但我覺得呢啲犧牲都係值得。」
張心悅在2022年加入港隊，她就讀拔萃女書院，去年為備戰奧運休學一年。在去年4月在香港長池游泳計時賽，張心悅在女子200米背泳項目交出2分10秒35的奧運A標時間，取得奧運入場劵。
在周一，張心悅已率先出戰100米背泳初賽，游出1分3秒45的成績，在36名泳手中排第29位，失落準決賽資格。在今場200米背泳初賽，張心悅在首50米曾經領先，但在100米轉身已落後對手，最後以2分17秒32衝線，與個人最佳時間有一段距離。
張心悅：表現有很大進步空間 需慢慢調節心態
在比賽後，張心悅先接受《無綫電視》訪問，前港隊游泳代表方力申問到其感受及如何評價自己的表現。張心悅形容，參與奧運十分難得，能夠體驗到熱烈的氣氛，但認為自己的表現則有很大進步空間，「始終兩場都係由得麻麻哋」。
張心悅解釋，在比賽之前看過對手的比賽時間，及後給予自己不少壓力：「覺得自己都係冇發揮好，我覺得心態呢啲嘢，係要慢慢調節吓。」她透露，在比賽前曾嘗試聽歌減壓：「但心裡面都係好混亂，要學識點樣clam down 自己。」
承認比賽時間不理想 盼再次游出接近個人最佳成績
談到返港後的訓練及目標，張心悅稱希望再次游出接近個人最佳成績的時間：「始終都係，達A標之後都無乜點接近過返嗰個時，都會慢慢調節吓心態，學識點樣唔好令自己咁緊張，俾咁大壓力自己。」
張心悅其後再接受港台、ViuTV及HOY TV訪問，再次承認比賽時間不理想，與個人最佳時間、目標有一大段距離：「游完100背之後，成績都唔係特別理想⋯⋯開始俾壓力自己⋯⋯呢兩日累積咗好多負面感情，我覺得都有影響呢一場比賽。」
形容是很好的學習經驗 感謝師姐隊友包容
不過，張心悅認為今次是很好的學習經驗：「可以體會到奧運村體驗係點，由第一次喺咁大嘅場地游比賽，始終係一個好唔同嘅感覺。雖然時間上唔理想，但都係一個好難忘嘅經驗。」她又表示，今次最大得著是學會必須忘記負面感情，避免因此影響其他賽事，「要比啲信心自己」。
另外，張心悅表示，今次能夠與港隊游泳的「師姐」隊友一起相處，包括何詩蓓及其他職員都對自己很好：「佢哋好包容我，佢哋令到成個體驗更加難忘。」
版權: 禁止衍生
