根據Fabrizio Romano嘅報導，土超球隊加拉塔沙雷引入兩位熱刺球員，包括借用中場球員尼當比利(Tanguy Ndombélé)同買下中堅達雲遜山齊士(Davinson Sanchez)，其中熱刺將會係山齊士嘅轉會收到950萬歐元，而山齊士亦與加拉塔沙雷簽下四年合約，熱刺成功精簡人手，並且為冬季轉會窗準備好資金同空間🙌🏻
現年26歲嘅尼當比利係2019年從里昂來投，係英超踢左兩季表現都較為遜色，過去兩季先後借到里昂同意甲嘅拿玻里，外借拿玻里嘅時候雖然隨隊贏下冠軍，但更多嘅時間只係擔任後備上陣。如今外借加拉塔沙雷將會係佢加盟熱刺以來第3次外借，合約當中包含1500萬歐元嘅買斷條款，以其能力同表現難以再為熱刺上陣，因此佢要好好把握機會離隊🥹
與此同時，加拉塔沙雷亦引入中堅山齊士，已經效力熱刺接近7季嘅山齊士，其災難級嘅表現係近季受到球迷嘅唾駡，今季山齊士係熱刺尚有兩場出賽機會，但水準上依然未能改變領隊普斯迪高路對佢嘅睇法，結果聯賽盃第二圈射失十二碼被淘汰出局，將會係佢效力熱刺嘅最後一場比賽。
廣告（請繼續閱讀本文）
雖然英超轉會窗已經結束，但係土耳其方面仍然營業，所以熱刺能夠送走兩位冗員都係唔錯嘅交易，不過引用聯賽盃第二圈被淘汰賽事，熱刺正選同後備陣容之中存在巨大差異，因此領隊需要好好平衡輪換嘅選擇🥹
▼Follow 足球港場
廣告（請繼續閱讀本文）
Instagram: https://www.instagram.com/footballarena_hk/