陳自瑤談「肉體出軌」「精神出軌」 ：兩樣都唔得

藝人羅子溢為無綫綜藝節目《香港婚後事》任嘉賓，與節目主持陳自瑤（YoYo）、賴慰玲（Winki）、黎諾懿及羅天宇等探討感情世界，諾懿甫開始即單刀直入，著子溢解構姊弟戀背後因由，子溢亦大方分享：「當時我覺得需要一個成熟嘅女人喺身邊，可以令自己成長得快啲，同埋搵到安全感。」直認偶爾會與太太楊茜堯冷戰的他，還分享二人處理爭拗的手法:「第一時間讓步先，我以前會拗，依家屋企所有濕碎嘢我係唔會理，總之你決定就啱架喇，太太處理方法就係瞓醒先算。」子溢還於節目中分享相當獨特湊女心得，表示望女兒長大後能成為硬淨的人。

席間眾人亦有討論「肉體出軌」及「精神出軌」，Yoyo聞言即斬釘截鐵說：「兩樣都唔得！」諾懿即反駁：「諗吓咋喎!」Yoyo卻一臉認真向他拋出兩條相當尖銳題目，分別為「如果你老婆同你一齊，佢不停諗緊第二個男人，你接唔接受到吖？」及「如果你老婆出完軌一次返番嚟你度，你接唔接受到？」隨即成功令諾懿陷入苦思，更坦言狀況確實難以接受。

東網網站 : https://on.cc/東網Facebook專頁 : https://www.facebook.com/onccnews/