廣告（請繼續閱讀本文）
衛蘭相隔4年再踏紅館，《Janice Be Still Live 2022》將於7月9-11日舉行，今次Janice親自參與很多演唱會製作，希望讓大家見到一個全新的衛蘭，她說︰「今次會開四面台，希望可以近些同歌迷互動，今次參與很多製作和揀歌，不停開會研究，演唱會名都係我構思，因為之前疫情，一個人坐喺屋企，經常都有亂諗嘢，有擔心有憂慮，世界會變成點呢？我又會變成點呢？然後就睇到一句經文『Be Still』，希望藉此提醒自己及大家，世界被疫情和各種不穩定情況下所困擾，但必需保持心靈平靜。」
今年踏入40歲的Janice，自覺人生目標更清晰，「女人40是一個好開始，我覺得好開心、好健康，同埋好放鬆，我仲覺得自己好似新人咁，因為音樂是無限探索的，仍然有跟老師學唱歌，因為我唱歌有啲壞習慣，喺咬字及運氣上未運用到最好，所以要有改進。」Janice為增強體能，她亦展開地獄式訓練，她笑言，以前減肥為別人而減，現在減肥為自己的健康，每天會舉啞鈴和跑步，努力下清減不少，「原來自己舉啞鈴可以去到好盡，愈舉愈重，都幾劇烈吓，雖然辛苦，但是對自己練氣很有用，希望到時演唱會大家可以見到線條美。」
廣告（請繼續閱讀本文）