Anson Lo甫自拍爆拍戲撞到額頭出血 通宵開工唔夠瞓：量力而為

MIRROR爆紅後，組合工作由年頭排到年尾，拍劇、出歌、拍廣告冇停過手，不過出曬名錫粉絲的「教主」Anson Lo（盧瀚霆）昨日就抽時間在IG同粉絲玩「你問我答」，連答12條問題，仲公開自己在拍攝「處男戲」《假冒女團》時拍到額頭撞出血，搞到一班神徒好心痛。

有粉絲問教主「最鍾意《假冒女團》邊一拍（part）？」教主就貼出自拍照，清楚見到他額頭紅了一撻：「《假冒女團》電影中段，我和白百合吵架之後衝了出房門外，因為生氣，又覺得自己說的話有點過火了，傷害到白百合，於是用頭撞牆發洩，這一個發洩的shot拍了兩take，完成後發覺額頭撞出血了，然後所有工作人員都很驚訝說：『邊有人真撞㗎 ！』。然後我拍下這張相紀念，很特別的一個經歷。」

有粉絲問教主最近經常通宵拍劇，如何分配睡覺時間，教主回應「量力而為」，仲話通常在解決工作難題時，不會想究竟有沒有足夠時間睡覺，亦有粉絲搞笑問「請教一下“塵〞是甚麼味道的？」教主表示「就是…… 麥皮蟲的味道！」教主亦透露自己正在忙住拍戲，亦在處理新歌錄音、排舞及MV主題等，不過被問到新戲角色就保持神秘，更用孫燕姿的歌曲《天黑黑》回應。對於有粉絲想想聽教主的靚聲，他都有求必應說了一句「Hello hello testing 123」，磁性的聲線絕對冧暈神徒。