掛住囡囡笑聲！周柏豪返港後接獲壞消息

歌手周柏豪最近去咗馬來西亞登台，要暫時離開只有2個幾月大嘅囡囡周芯悅（Sonya）！今日凌晨佢就上載一張喺酒店嘅自拍照，喺身心疲倦下令佢更掛住囡囡：「完成工作 今天很累　躺在床上完全不想動了　但感謝馬來西亞朋友的超級熱情　也希望你們今天玩得開心　我們四月雲頂的演唱會 到時見　想念yaya的笑容和扭計聲🧡👶🏻」

而今日返到香港嘅佢，接來壞消息，陪伴佢16年嘅愛貓「小黑」離世。經理人及家人為咗唔想影響佢演出，而等佢完成工作後才告知。柏豪喺社交網上載一張2006年11月時同小黑嘅合照，留言：「還記得那個時候，我甚麼都沒有，甚麼都沒有，沒有外出、沒有工作、沒有將來、沒有籃球，連照照鏡子的勇氣也沒有，每天只在家嘗試寫歌，你就是其中一位見證（着）我這個時期的朋友。感謝你這16年來帶給我們的快樂　一路好走吧 愛你　我最好的朋友 小黑」

東網網站 : https://on.cc/

東網Facebook專頁 : https://www.facebook.com/onccnews/