最近日日喺屋企，冇街出又唔駛見人，係咪好多人都冇乜動力洗頭呢？咁又係嘅，洗頭對於好多女仔嚟講都真係幾麻煩，尤其係有把長髮嘅朋友。不過大家要注意，太耐唔洗頭都可能會引致脫髮問題！因為我哋嘅頭皮始終會分泌油脂，而且都會有外來嘅污糟嘢依附喺上面，長期唔洗就會好易令毛孔堵塞，然後導致脫髮危機㗎喇。
相信好多女仔都對 dry shampoo 唔陌生，因為佢可以即時將「油頭」變得乾爽啲，簡直就係懶人恩物。但用太多 dry shampoo 都係有機會引致脫髮問題㗎，因為 dry shampoo 嘅主要成份係澱粉，澱粉都係會令毛孔堵塞，所以唔好太過依賴使用 dry shampoo喇～
廣告（請繼續閱讀本文）
有啲人就會日日洗頭，一日唔洗個人都唔舒服，不過洗得太密都唔係件好事啊，雖然唔會導致脫髮問題，但因為每次洗頭都會導致毛鱗片張開，毛鱗片從張開到閉合，點都會造成一啲損耗，所以都係建議頭髮唔易變油嘅朋友唔好洗得咁密。
廣告（請繼續閱讀本文）
另外小編有啲洗頭小貼士同大家分享，等大家都可以有把健健康康嘅頭髮～
1. 下晝1點到夜晚10點前比較適合洗頭，因為夜晚10點後到凌晨2點係頭皮細胞再生期同活躍期，喺10點前洗就可以促進頭皮細胞再生。
2. 洗完頭之後最好抹返乾啲頭髮，唔好由佢完全自然乾，因為我哋洗完頭嗰陣頭髮嘅毛鱗片係打開嘅，一啲塵埃、細菌、污糟嘢就會乘虛而入，所以洗完最好先抹返乾啲，促進毛鱗片閉合，咁就冇咁傷頭髮。
廣告（請繼續閱讀本文）
3. 啱洗完頭嗰陣唔好濕梳頭髮，因為毛鱗片仲係打開緊嘅狀態，呢個時候係咁梳頭，就會造成明顯的毛鱗片受損，頭髮乾晒之後就會變得好乾燥㗎喇。