《金宵大廈》掀起前世今生熱！阿Bob王祖藍前世都是溥儀妃嬪？！盤點8個與古人撞臉的明星

可能而家科技發達，總會好容易搵到同自己99%似樣嘅「世上的另一個我」，但原來有一班明星，佢地今世嘅成就同佢地好似樣嘅「前世」都99%相似！

1. Bob前世：清朝皇貴妃瑾妃+不知名古人

眾所周知，一個皇帝嘅後宮佳麗三千，如果皇帝一日一個佳麗，都應該要玩十年！對男人嚟講好似好happy，但如果嗰個係阿Bob咁嘅樣，大家又點睇呢？原來阿Bob前世就正正係光緒嘅皇貴妃—瑾妃，而佢嘅繼子係末代皇帝溥儀，都算係幾得寵㗎！

睇完相play back返睇畫像，會唔會覺得更加似呢？！

除咗瑾妃，早排阿Bob自己都喺社交平台post咗呢張相，一個不知名古人……大家覺得邊個似佢多啲呢？

2. 王祖藍前世：清朝珍妃

有人話阿Bob同王祖藍好似，大家都係走搞笑路線，有幾有觀眾緣！其實……佢地原來前世就已經有關係！王祖藍前世原來都係光緒帝嘅皇貴妃，同瑾妃一樣都係深受光緒帝寵愛！不過佢就冇阿Bob前世咁好彩，最終被慈禧太后投井處死咗，成為今日嘅王祖藍囉！

3. 劉德華前世：中國古代思想家墨子

劉德華，大家都知佢有如牛一般勤力，娛樂圈天王！原來成功真係天注定，佢前世就係鼎鼎大名嘅墨家學派創始人墨子，亦係戰國時期著名思想家、教育家、科學家、軍事家，唔怪得當年劉德華被挑選中主演《墨攻》，飾演墨者革離！實在太似囉！尤其係臉型和勾鷹鼻，話佢地冇關係都冇人信啦！

4. 范冰冰前世：美國奧斯卡影后Loretta Young

影后范冰冰，除咗靚樣，佢嘅演技都已經備受多方各界肯定，而佢嘅演技天份原來係源自佢前世！范冰冰嘅前世原來都係影后，仲要係美國荷里活奧斯卡影后Loretta Young！睇嚟冰冰呢張臉都注定天生食呢行飯！

睇返正面照，大家又覺得佢地有幾成似呢？

5. 大S徐熙媛前世：延安第一美女吳莉莉

大S而家已經係幸福人妻，仲要係公認嘅美女，加上本身佢喺台劇界都已經係一姐，單憑杉菜一角已經經遍全亞洲，咁啱佢嘅前世又係一個公認嘅美女，被譽為延安第一美女，仲要演過話劇女主角，仲曾經捲入過毛澤東與賀子珍嘅感情危機中，都係個唔惹小嘅女人嚟！

6. 彭于晏前世：前美國總統奧巴馬籃球好友

彭彭如今係眾多女粉絲心目中嘅男神，高富帥三個條件已充分達標！佢嘅顏值，前世就已經有喇！原來佢前世係奧巴馬嘅藍球隊友！太似喇吧！連彭于晏自己都喺社交媒體話太似喇！

7. 古巨基前世：國父孫中山

國父孫中山革命成功後個樣相信大家都有見過，但佢後生個樣可能大家比較少見，原來同古巨基一樣樣！孫中山1925年過身，而古巨基就1972年出世，中間相隔30幾年，真係轉世投胎都唔出奇呀！

8. 哈利波特前世：中世紀男女

著名嘅哈利仔Daniel Radcliffe，佢戴圓眼鏡個樣確實深入民心！不過，佢早前上BBC的一個talk show節目，主持人同觀眾都搵到多張古人相。

不論男女，都竟然同Daniel一模一樣樣，到底Daniel前世有幾多個分身？

**Follow us on:

• Facebook: CosmoHK
• Instagram: @cosmopolitan_hk
• YouTube: CosmopolitanHK**