喺「搞事四人幫」中,有「民主阿婆」之稱嘅前政務司司長陳方安生同外號「李漢奸」的民主黨(白鴿黨)創黨主席李柱銘,之前借《逃犯條例》修訂聯同泛民議員訪美國、德國等,乘機唱衰香港,最近民主阿婆仲公開叫政府特赦示威者,喺度指指點點。保安局前局長兼立法會議員葉劉淑儀今日(27日)喺大會上公開鬧爆民主阿婆,話佢嘅所作所為令到好多前政務官作嘔!
葉劉話政府已經暫緩修例,話咗唔做,班示威者仲要求撤回,係別有用心搵理由去衝擊,最令佢震驚就係唔知點解作為前政務司長嘅人會叫政府特赦、釋放示威者,講埋呢啲衝擊法治嘅言論。
佢又話廉政公署社區關係處第一任處長余黎青萍用英文寫咗一段好感人嘅語言,喺前政務官圈內流傳,「Disgusted(作嘔)by呢位前同事」,點名陳方安生所作所為令人作嘔,而白鴿黨嘅變面同謊言同樣令佢作嘔呀!佢亦點名李漢奸去美國告狀,反問佢有冇同美國說明,自己先係第一個要求港府與內地做司法互助以及逃犯協議嘅人,「依家喺邊個變面先?」,仲叫李漢奸應該要將呢啲真相同市民講清楚。
葉劉事後喺Facebook補鑊,話佢引述余黎菁萍嘅言論其中一段所用嘅字眼係「Disappointed(失望)」,但佢就誤將其引述為「Disgusted」,係一時記錯咗,又話其實余黎菁萍嘅言論係發自內心,全屬愛護香港嘅肺腑之言。
話說公民黨嘅法律界議員郭榮鏗尋日(26日)喺立法會大會上大放厥詞,先後用「奴隸」同「奴才」嚟指罵建制派議員梁美芬,立法會主席梁君彥裁決有關言論係冒犯同具侮辱性,要求收回言論遭拒,郭榮鏗終被趕出會議廳。而梁美芬今日亦點名批評曾經同民主阿婆出訪德國嘅郭榮鏗,梁話上網翻查資料,原來郭榮鏗係加拿大籍,仲同民主阿婆出去唱衰香港,甘心做中美貿易談判嘅棋子,向中國同香港施壓,「佢(郭榮鏗)效忠嘅係加拿大」。
民主阿婆同李漢奸經常借啲兒去英美等地唱衰香港,講就大義澟然,其實去乞求人認同,等佢哋可以刷存在感。就好似民主阿婆喺3月訪美期間,話同過美國副總統彭斯會面,但見幾耐、傾咗乜嘢就閃閃縮縮冇交代,根本人哋都冷待,唔係中美貿易戰關係緊張,政壇「舊電池」憑乜嘢身份去見人呀?
東網網站 : https://on.cc/
東網Facebook專頁 : https://www.facebook.com/onccnews/
Justin 香港政治人物中最令人作嘔的肯定是葉劉,
反而四萬姨的笑容及表現最令人讚賞!
2019年06月27日08:12
Vic 耍收嗲嘅係掃把頭孽瘤
2019年06月27日08:04
我很大 你忍一下 你唔照鏡 咪唔作嘔lo
2019年06月27日11:34
Corinna Yu 大快人心!
當年陳方安生好勁咁講以後唔會出來指指點點政府,呢句唔知點解冇人提,作為政府高官,食緊政府飯,直至今時今日都係,你出嚟勾結美國佬,仲好話香港良心。
大佬,大家都知,政治唔等同正邪,係班黃絲朋友俾人洗腦,才會咁天真以為民主等同正義,建制就係邪惡。
掃把頭就係辣啲,不過言之有物,亦有承擔,佢輸咗比林鄭做唔到特首,仍然實事求事呼籲支持特首,有義氣!!欣賞佢!
同陳太呢種賣港賊高下立見!
2019年06月27日09:42
Denis Wong 毒物就是要毒,對舊上司,無毒不丈夫人呀。
2019年06月27日11:15
顯示全部