廣告（請繼續閱讀本文）
藝人唐浩嘉、姜嘉欣及K.Elly下午到赤柱出席寵物活動。唐浩嘉自爆是「寵物控」，試過飼養倉鼠超過20多隻，最難忘的「寵物情」，則要數已離世的唐狗：「佢應該好冇安全感，或者出現情緒病，試過畀嘢佢食，佢都咬我同屋企人，嚴重到要入醫院，警察有問我哋報唔報漁農處，不過我哋唔捨得，所以都冇咁做到。」
至於姜嘉欣則養過飛鼠，形狀極似蝙蝠，可謂「藝高人膽大」：「我亦同一時間養過狗同貓，隻貓仲要係隻狗湊大嘅，好搞笑。」K.Elly則坦言雖有感寵物可愛，但自己天生怕貓狗，相當矛盾。
廣告（請繼續閱讀本文）
談到最新工作，《全民造星》出身的姜嘉欣竟然「倒戈」，稍後跟無綫合作：「暫時都係以嘉賓形式參與節目。（想簽長約？）有機會都想試吓。」唐浩嘉則表示會繼續推出新歌，又要拍片放上社交網，可謂相當忙碌。至於K.Elly則除有幫ViuTV工作外，亦忙於修讀育兒課程，稍後將會於「Chill Club」內角逐新人獎。
東網網站 : https://on.cc/
東網Facebook專頁 : https://www.facebook.com/onccnews/
廣告（請繼續閱讀本文）