細數10大經典廣告 講一句就自然接到下一句 小心個Post有啲噪！

1.衛生署（禽流感）

「各位同學，我哋今日玩看圖講故事。雞鴨雀仔，手！唔好摸佢哋，萬一掂到就要即刻洗手。廁所！要小心唔好掂到佢哋啲便便～哈哈哈哈！媽咪買餸都唔好掂佢哋！要煮熟晒啲肉先好食～無論去到邊都要記住頭先講過嘅嘢啊！知道。注意個人衛生，預防禽流感！」

2.政府遠足宣傳片

「收到！收唔到！收到！收唔到！」「收唔收到唔係靠彩數，遠足前應準備好，睇地圖、上網攞料實幫到。一旦遇上緊急事故 就打一一二 只要有任何一家電話公司嘅網絡覆蓋到，警察就會收到。」
「呢！搵到佢求救實收到 拎埋對講機實就更好 拜拜！」「我哋收到啦！你又收到冇？」郊遊前準備好、聯繫方法要知道

3.八珍甜醋
「八珍甜醋 牌子老 味道好」「八珍甜醋份外香～」

4.得成僱傭
「早晨」「佢都係『鵝』同工喎～」「但係佢係得誠訓練出嚟咖喎」得成僱傭安心聘用 得成女傭 融入家中

5.時興隆魷魚絲
「曾共度過漫長的歲月 關心你 每處為你愛多一點 時日度過亦全不變樣
天天有你共我創造美好 時興隆與你 共享昨天今天明天」

6.金龜嘜萬里望花生
「金龜嘜萬里望花生 少少鹹, 多多脆 飲番杯一定要食佢 金龜嘜萬里望花生 Very Good 卜卜脆 任何場合都要佢 金龜嘜萬里望花生 夠甘香 Log Log脆 試一包包你鍾意佢~」

7.生命滿希望 前路由我創
「打波先嚟落雨，唔通連個天都唔中意我？」「我哋聽日再打過啦！聽日一定會好天嘅～」「你點知今日會好天咖？」「唔知咖，希望在明天啊嘛！」「啊～」「凡事唔係絕對嘅，其實落雨又有乜好怕喎？」生命滿希望 前路有我創！

8.維他朱古力奶
「如果太多牛奶味，朱古力一定冇掟企～等到朱古力味番返嚟，牛奶味又唔爭氣！」

9.必理痛
「乞痴！平時隻藥都唔夠勁～」「我明～」「你明？你都冇傷風？」「我有！」「你都唔似～」「我琴晚都好辛苦喎～不過我食咗必理痛特強傷風感冒丸！」

10.大三巴
「望下山 望下海 Macau旅行  紅男綠女 聯歡嬉戲 大三巴、觀音像、媽閣廟景緻真優美 最開心去.. 咀香園～咀香園 買手信～買手信 款式至多至好味 大家高高興興買手信 一於去咀香園 包你一定歡喜！」

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

歡迎關注我們的 Facebook 與 Instagram