昔日《巾幗梟雄》系列深入民心，TVB台慶劇《巾幗梟雄之懸崖》（簡稱：《巾幗梟雄4》）首播1星期多，備受關注。事實上，開拍《巾幗梟雄4》由鄧萃雯易角胡定欣早已鬧得滿城風雨，近日播出後不少觀眾都將兩位主角作比較，狠批視后胡定欣演技，又指她刻意壓低聲線，霸氣造型卻無神髓，有模仿鄧萃雯之嫌，引起網民熱烈討論，亦有人將另一套台慶劇《黑色月光》女主角楊茜堯作比較，到底網民又點睇？
胡定欣被網民批模仿鄧萃雯
自《巾幗梟雄4》播出後，除了劇本，女主角胡定欣成為「炮灰」，更被斥是「全劇最失敗」。不知是否「九姑娘」鄧萃雯的演技太根深蒂固，令不少觀眾認為胡定欣在劇中的表現與鄧萃雯極為相似，從神情到動作都有所模仿，並未有演到一個不同風格的「七爺」。網民更指鄧萃雯的「霸氣」只有鄧萃雯才有「鄧萃雯唔做，可以搵其他女演員」、「如果鄧萃雯做應該會好委屈做到觀眾都同情佢，但胡定欣做完全冇呢種感覺，淨係唔知佢做緊乜」、「胡定欣好刻意撚聲，佢都係做返刁蘭嗰啲角色好啲」。
胡定欣本尊回應負評：自己做成點 自己很清楚
對於負評如潮，日前胡定欣出席活動時回應傳媒表示理解，因為《巾幗梟雄》始終是一個經典劇集，有對比是肯定。胡定欣又指自己只是代入「七爺」的角色去演，用自己的理解去演釋，自己做成點，自己很清楚。
「七爺」套衫似聖誕樹
除了演技備受批評，「七爺」的服裝被指似聖誕樹，胡定欣也為此「拆彈」。她以高EQ回應指自己可以放禮物進衣服送大家，不過既然衣服令觀眾印象深刻的話也表示服裝很成功，事關「七爺」在戲中有成30幾套衣服。對於拍檔胡定欣連環「拆彈」，黎耀祥也幫口：「感謝大家這麼留意」。
有連登網民發帖文討論《巾幗梟雄4》，隨即掀起熱議。相信是《巾幗梟雄》系列粉絲的網民留言：「又冇排骨仔又冇九姑娘，咁都叫跟巾幗」！有網民對於新劇相當不滿，表示：「套劇好柒，胡定欣做唔到嗰種霸氣，柴九啲戲又越嚟越屎，一味識嗌」。另外，有網民質疑胡定欣的演技，有人回應：「好過蔡視后林視后」，大家又認同嗎？
與胡定欣「死敵」比較？
《巾幗梟雄4》在討論區鬧得滿城風雨，「呢個劇本真係麻麻地，其實都係翻炒冷飯」，更有人將《巾幗梟雄4》與另一台慶劇《黑色月光》相比，有人指：「黑色月光一定係最佳劇本」，也有人力撐《黑色月光》女主角楊茜堯：「我只包楊怡贏硬女主角」，看來今年台慶是兩劇之爭。
R 佢白色強人都係咁😂😂😂
佢惡相但係做唔到氣勢
楊怡不嬲奸底
10月30日07:55
NW 做慣妹仔跟人尾點可能做呀姐，個樣咪妹仔格
10月30日07:21
天氣晴 她做呢個角色好多對白都係靠嗌出黎
以為增加到氣勢 但缺乏層次感同生硬
演技唔係完全冇既 但感覺她適合演些柔和點的角色
10月30日08:10
Roy 唔係李添勝監製差好遠，其實同之前個幾輯有乜分別，只係柴9變咗柴17（柴17聽落好哽耳）而且胡定欣同鄧萃雯個級數差好遠，完全駕馭唔到個角色，拍埋啲二打六到差唔多，其實黎耀祥無咗鄧萃雯都變得無咩特出。整體來講好悶，唯一讚係拍到電影咁
10月30日09:09
Kason 虎 已經放棄咗老人台巧耐，不過好奇睇咗15分鐘……胡小姐嗰啲所謂演技睇到人好尷尬，黎耀祥又好似回哂塘咁，成套嘢衹係一齣失敗嘅翻炒作。老人台以前打佢工嗰陣都已經係咁嘅風格，永遠唔會見好就收，硬係要做爛個招牌為止！
10月30日10:09
顯示全部