【LINE你睇】慘變河童頭 髮型屋被貼街招報仇

樓盤街招、追債街招，或是尋狗尋人街招就見得多，但近日被發現的街招卻與眾不同！原來有人幫襯了單剪店剪髮，卻剪了一個極醜的髮型，一怒之下不但將事件放上網「公審」，更將髮型照片製成街招，更用心地加上了文字介紹，幫單剪店好好宣傳，更寫上「5分鐘變河童」、「剪完連個師父都走出鋪頭笑」等字句！有網友形容為：「嬲到出埋實體Post！」

有人將街招拍照上載社交網站，意外地變成了二次宣傳，髮型屋相信是位於美林一樓的IKKA，當事人在社交平台表示：「坐底同個師父講三邊修短d, 唔洗剷青，前面剪碎就得。結果佢一黎就拎個電剷同我剷青哂，求求其其五分鐘就當剪完 成個頭睇落成個河童咁款！事後幫我剪果個男師父走左出鋪頭笑，連道歉都無個！」有網友表示：「又冇咁大仇口呀，剪個髮要貼街招。」也有網友安慰說：「係你carry 個頭，唔好俾個頭carry 你！」

圖片來源：全港店舖消息、大埔tai po@FB

【LINE你睇】每日精選網絡熱話，源源送上新鮮事，LINE你睇唔驚冇話題。