人氣歌手Tyson Yoshi（程浚彥）與YT周殷廷合作推出新歌《1994》，更豪擲近百萬拍攝MV，致敬經典香港電影。YouTube 頻道《試當真》找來影帝黃秋生點評此歌及MV演員的演出，卻得到黃秋生批評歌曲「垃圾」。
廣告（請繼續閱讀本文）
《試當真》的主持在「謝票場」中，邀請黃秋生觀看《1994》的MV，點評在MV中飾演反派的游學條在當中演出。但黃秋生觀看MV時，竟批評：「個音樂好差，令成件事都唔知做乜」、「太垃圾……不只是歌詞，個melody（旋律）唔入腦」。
MV當中Cloud雲浩影從高處墜下在車頂上一幕，致敬秋生在《無間道》中的場景，秋生就表示因為女仔要靚，所以「死樣」太舒服。而Tyson Yoshi 以其名車拍攝炒車場面，秋生起初以為是舊車：「架車唔應該貴，如果真係買架靚車嚟拍嗰個就真係傻嘅。」
廣告（請繼續閱讀本文）
當黃秋生知道是新車時，他認為沒有必要：「咩叫拍戲，拍戲全部假嘅。如果我用槍，係咪搵支真槍嚟。」。被問到MV受歡迎而想拍電影版，黃秋生回應：「冇返三、五千萬都拍唔到，你收得返就真係恭喜你。」
對於黃秋生的評語，Tyson Yoshi亦有轉發，就MV拍攝回應道：「多謝指教，會再盡力做好啲」。而對黃秋生表示歌曲「垃圾」，TY則回應寫道：「下首唔係咁🥲 back to pop next（下一首會做回流行歌曲）。」
廣告（請繼續閱讀本文）
