從深圳福田口岸坐地鐵4號線直達紅山站，龍華天虹購物中心有一間超人氣2小時任飲任食火鍋店🍲。有別於香港嘅火鍋放題，呢度嘅海鮮係生猛活海鮮，自助任撈任食！另外任食泰國金枕頭榴槤、鐵板燒烤、刺身壽司、生果、甜品及任飲飲品。
✿ 活海鮮火鍋+榴蓮自助 成人¥269/位、小童¥118/位（用餐時間：120分鐘）
餐廳分開自助區及用餐區。自助區面積廣闊包涵多個區域，全部任攞任食。
現撈活海鮮區🦞🦐🦀🐚
大型海鮮池擺放多款活海鮮，自助用勺任撈，再以火鍋形式煮熟海鮮。有澳洲藍龍蝦、九節蝦、鮑魚、藍花蟹、貝類等，全部都肥美大隻，蝦類更活潑亂跳，味道鮮甜。
海鮮區🦪🐙🐚
其他海鮮有帶子、生蠔、膏蟹、魷魚、冰山蚌、黃鱔等，多到食唔到咁多款😂。
現切牛肉檔🔪🐮🥩
喺海鮮區旁邊有一個牛肉檔，現切新鮮牛肉，淥十幾秒就食得，牛肉味好濃。
鐵板燒烤區🔥🦪🥩
當日有即燒蒜蓉生蠔、鐵板即煎澳洲牛排、新西蘭羊排等，供應充足。生蠔燒得多汁嫩滑，牛排夠大塊牛肉味濃。此外有即烤泰國金枕頭榴槤，榴槤大個肉厚，烤得軟糯香甜😍。
壽司刺身區🍣
刺身有三文魚、吞拿魚、甜蝦等；壽司以卷物為主。
水果區🫐🍇🍋
有藍莓、蓮霧、葡萄、山竹、芒果等，種類繁多。
飲品區🥤🧃🍻
有果汁、汽水等無酒精飲品，另外啤酒有喜力、Corona、Hoegaarden等。
甜品區🍰🍦
雪櫃內有蛋糕、布甸、雪糕等，食唔到咁多，睇咗當食咗🤣。
總結
自助區所有食物包括活海鮮補給得好快，活海鮮生猛新鮮。餐廳有二人枱、四人座卡位、有包間適合多人聚會。⚠️建議大家避開繁忙時間去食，等位會無咁耐。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
曼格活海鮮火鍋·榴蓮自助
地址：深圳市-龍華區-龍華天虹購物中心3樓L348號舖（福田口岸地鐵4號線 紅山站A1出口）
營業時間：早上11時至晚上11時
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
▼Follow konglui.food 港女食好西
Instagram: https://www.instagram.com/konglui.food/