黎智英案開審 市民捱冷通宵排隊 過百警員法院外佈防

【獨媒報導】壹傳媒創辦人黎智英及3間蘋果公司被控「串謀勾結外國勢力」及「串謀刊印煽動刊物」等罪，今（18日）於高等法院（移師西九龍法院）開審。案件吸引不少市民旁聽，有排頭位市民於昨晚到場，指「唔想佢（黎智英）還柙3年望向旁聽席係冇人」；亦有市民望能給予黎智英「微小的支持」，認為《蘋果日報》是敢言的象徵，而黎雖還柙3年，但擁抱和接受自己的遭遇，「佢每坐一日，佢係燃燒緊自己，係畀緊力量人」。警方今早嚴陣以待，在西九龍法院附近一帶以過百警力佈防，有反恐特勤隊荷槍戒備，所有進入法庭的車輛均須經過檢查。

過百警力在場戒備 所有車輛均經檢查

黎智英國安案吸引多名海外傳媒採訪，今早7時已有逾30名傳媒到場輪候，亦有逾30名市民排隊。警方加強警力，派出過百警力在西九龍法院一帶佈防，通州街天橋底泊滿十多架警車，包括裝甲車「劍齒虎」，法院外有反恐特勤隊荷槍戒備。同時任何進入法庭的車輛均須經過警方檢查，包括以爆炸品搜查犬及伸鏡進車底檢查有否危險品。

「女長毛」雷玉蓮今早約7時到場，形容警方「好大陣仗、好緊張」、「如臨大敵」，以往其他案件如初選案亦未試過這樣，不明白為何這樣緊張。她指自己一到埗已有兩名警員「去邊都跟住我」，問她來做什麼、帶多個麵包的用途，雷指她想將麵包分發予在場排隊的記者，但警員以該處「封咗」為由不讓她步近，其他人卻能自由行過。雷認為黎智英「好慘」，「都冇聽過有人可以還柙三年」。

「王婆婆」王鳳瑤今早亦持英國旗到場，嘗試揮旗示威，但即被大批警員帶到對面行人路以鐵馬架起示威區。王續高呼「支持黎智英」、「支持蘋果」等口號。另天主教香港教區榮休主教陳日君、民主黨前立法會議員劉慧卿都有前來旁聽，劉指望能有公平公開的審訊，及告訴國際社會香港仍然是法治社會、司法獨立。

排頭位市民：唔想佢還柙3年望向旁聽席係冇人

排第一位的市民JC，昨晚10時已經到達，在法院外通宵排隊，指本案等了3年終於可以開審，認為本案與初選案一樣是較轟動的國安案件，可知道香港政府的界線，望能來「見證」。JC指自己「冇睇開」《蘋果日報》，但在幾年前社運時看得最多，對於《蘋果》結束感到可惜，認為少了媒體「咁夠膽挑戰一啲比較敏感嘅嘢或者問一啲尖銳嘅問題」。

JC又指，這麼早到場是望能進入正庭，「唔想佢（黎智英）還柙3年望向旁聽席係冇人，或者全部係你知根本唔係嚟聽嘅人」。JC認為黎有機會「死之前出唔返嚟」，「就算佢真係有機會出唔返嚟、會喺入面坐到死，我希望佢知道佢係成為咗香港一個好重要嘅歷史人物，同我哋係多謝佢。」

市民：《蘋果》成敢言象徵 黎智英燒燃自己予力量身邊人

排第二位的是藝術工作者的宋先生，他今晨4時到達，解釋在網上直播看到JC一人在排隊，驅使他到場，「令大家冇咁孤單」。他形容，黎智英是一名歷史人物，雖面對現時遭遇，但卻擁抱和接受自己的遭遇，望自己能予黎「微小嘅陪伴、微小嘅支持」。對於黎智英還柙3年，他形容黎是「燃燒緊佢自己嘅生命」，雖然某程度是「白坐」，但「另一種層面上佢唔係白坐，佢每坐一日，佢係燃燒緊自己，係畀緊力量人」。

宋認為，黎是用自己的身體被囚禁去「make 緊一個 statement」，「唔係一種聲嘶力竭嘅嘢，佢好似就係用佢自己一個靜靜地、或者有時傳媒拍到佢一啲樣貌，繼續喺佢腦裡面有某種嘅生活、有某種嘅存在喺度，佢好似冇放棄，佢冇認輸。」

宋又指自己並非《蘋果日報》忠實讀者，但隨時間過去，「呢份報紙已經成為咗一個載體、一個符號、一個象徵」，代表「敢言」、「企定咁去面對恐懼甚至克服恐懼、面對強權時都依然係好有膽量」，亦與香港人有很多經歷。他想起《蘋果日報》的舊廣告，黎智英頭上放了一個蘋果，滿身中箭，認為黎現時正是實踐當年廣告的畫面，「成為咗個蘋果比啲箭咁樣去射，但都默默咁去承受，唔妥協。」

無國界記者及多國領事到庭旁聽

非政府組織無國界記者RSF的代表，亦於今晨5時到達，指黎智英和《蘋果日報》是香港新聞自由的象徵，其組織有密切留意本案情況，望到庭了解。另多國領事，包括美國、英國、澳洲、紐西蘭、瑞士、加拿大及歐盟領事館等均有派員旁聽。

另有中年女士表示自己凌晨4時到達，但被問到來旁聽什麼案件、為何這麼早到達，則一律笑指「冇嘢答到你」。隊伍中亦有十多人打開傘和戴帽遮蓋容貌，坐在椅子或地蓆上背對街道，記者問及何時到達、來旁聽什麼案件，均一律沒有回應。據排頭位的JC所指，他們一群人於約5至6時到達，用「小紅書」和「WeChat」。