廣告（請繼續閱讀本文）
屬書院派的藝人何遠東，除了做幕前，其實一直以來他到學校教戲劇和中文興趣班，他直言若當年不是演藝學院收了他，他應該會去教書，他說：「依家掉轉頭入番學校，教咗好多年，最大嘅學生已大學畢業，我係由佢K3教起，自己都覺得好好恐怖，（成才？）希望佢成才，佢啱啱入咗演藝學院，希望搵到鍾意做嘅嘢。」而何遠東也有重返校園的計劃，目標明年修讀master課程，他說：「覺得要裝備自己，無理由坐喺度等時間過，疫情好浪費時間，每樣嘢都延期好耐先發生。自己都做咗十幾年嘢，讀書當係一個總結，呢樣係蘇民峰同我講，點醒咗我，好多謝佢！」
廣告（請繼續閱讀本文）
另外，提到早前他參加《開心無敵獎門人》，在節目要數盡方力申的緋聞女友，方力申事後暗寸何遠東暗戀他，何遠東笑說：「其實小方好大方嘅，事後我都同佢講係節目效果咋，我細細個睇佢新聞大，（點解可以數到咁多人？）所以方力申話我暗戀佢，如果佢公開認戀我，係我榮幸，其實小方緋聞好多都深入民心，係緋聞嚟啫，佢人緣好，桃花旺。」
東網網站 : https://on.cc/東網Facebook專頁 : https://www.facebook.com/onccnews/