佘詩曼去年憑《新聞女王》再攀事業高峰,一直工作滿檔的她近日因媽媽患病,決定減少工作陪媽媽,順便好好休息,她今日(3日)上載與契女食飯的合照,透露對方將到外國讀書,不止阿佘凍齡靚樣被大讚與契女似足兩姊妹,仙氣契女亦備受網民注目,更被封為翻版林嘉欣。
廣告(請繼續閱讀本文)
佘詩曼在IG上載與契女十年前後的合照作對比,留言表示不捨契女離港:「眨吓眼就咁大個女喇,食完飯我呢個契媽心入面,雖然kick kick地,但係都要強忍不捨講bye bye…下次返嚟見喇~」有網民留言大讚阿佘逆齡生長,二人比起契母女更似契姊妹。
另外,佘詩曼媽媽近兩年因健康問題,傳因治療而出現脫髮,每次現身多以頭巾造型示人,不過她近日出席劉家豪生日會,難得除頭巾公開全新短髮造型,更在生日會上帶頭大唱生日歌,表現活潑,片中見到佘媽身形依然較以往纖瘦,但面色明顯紅潤不少。
廣告(請繼續閱讀本文)
廣告(請繼續閱讀本文)
Tung 契女係幾靚wor 有佘詩曼做契媽都幾開心🥰
07月03日11:57
顯示全部