件裝蛋糕買三送一優惠！以無麩質蛋糕起家嘅 Infiniti C 推出 3 月限定蛋糕優惠，全線 4 間分店同步推出，包括各款無麩質、生酮或純素蛋糕。
其中兩款生酮蛋糕更是 3 月才新推出，均是無添加糖、無精製麵粉嘅蛋糕，相對一般蛋糕健康得多，「抹茶意式芝士蛋糕」（$76）以 tiramisu 為基調，喺忌兼層次加入 mascarpone，海棉蛋糕為抹茶口味，加上面層嘅抹茶粉更突顯茶味。
廣告（請繼續閱讀本文）
「檸檬蛋白蛋糕」（$76）有清酸香甜嘅檸檬味，蛋白霜造型夠晒打卡，其他蛋糕口味仲有伯爵茶、黑芝麻等，此優惠只限 3 月。
Café 嘅中環店及西營盤店同時推出新鹹食菜式，多咗生酮菜式選擇亦有一般人都啱食嘅邪惡美食，適合生酮人士嘅有「慢煮封門牛柳伴椰菜花飯」（$188），將大件嘅封門柳慢煮至軟腍，伴以薑黃椰菜花飯及牛骨髓醬汁，味道濃郁且性價比甚高。
廣告（請繼續閱讀本文）
喜歡吐司嘅話也有選擇，「生酮牛肉班尼迪蛋芝士黑芝麻吐司」（$148）用上無麵粉、無精製糖嘅黑芝麻吐司，配以分量十足嘅生酮燒汁牛肉、芝士、流心蛋，其他生酮菜式包括「菠菜芝士亞麻籽墨西哥餅」、「鮮蝦及櫻花蝦伴椰菜花飯」等。
廣告（請繼續閱讀本文）
新餐牌選擇不只生酮菜式，甚至新增了香口惹味嘅邪惡菜式，包括「吉列炸魚薯條」、「焗肉醬芝士薯條」等，不論你想食得健康或是邪惡都有得揀。
中環南豐大廈店採用粉色系設計，粉黃色牆身襯以粉紅調子，日間遇上陽光映照，氣氛特別明亮舒適。
地址：中環德輔道中 173 號南豐大廈地下 G03 號/西營盤西邊街 38 號明德山地下 A 店/尖沙咀 K11 Musea 2 樓 LA202 號/尖沙咀海港城海運大廈地下 OT G49 號