廣告（請繼續閱讀本文）
藝人張文慈（Pinky）日前到訪汕頭，為活動站台。一身鮮紅性感晚裝打扮的她精神狀態相當不錯，獲粉絲大讚明艷照人，氹得她開心不已。此行她獲大會送贈一支巨型獅頭鵝及名貴潮州茶葉作禮物，有口福之餘更令她大開眼界：「因為聽講隻鵝唔易搵到，就算搵到都幾千、上萬蚊一隻，我就食唔晒，兼且『獨食難瘦』，所以分咗俾身邊工作人員，淨係攞咗茶葉返屋企教敬爸爸。」
廣告（請繼續閱讀本文）
雖然行色匆匆，但Pinky不忘抽時間「掃街」：「小攤檔都好多美食，食到我好開心。依家每次工作，如果可以嘅話我都會提前抵埗，可以有啲時間周圍行吓、食吓同見識吓，寓工作於娛樂享受吓人生。坦白講以前嘅我係唔識嘅，商演次次做完嘢都暱喺酒店房，錯過咗好多沿途風景呀。」而完成汕頭行後，Pinky宣布正式收爐，目前已返港陪家人準備歡度新歲。
東網網站 : https://on.cc/東網Facebook專頁 : https://www.facebook.com/onccnews/